കൊച്ചി: ഓണ്ലൈന് തട്ടിപ്പുകളില് ഇരയാകുന്നവര് നിരവധിയാണ്. ഓണ്ലൈന് വഴി ഐ ഫോണ് ഉള്പ്പെടെയുള്ള വിലകൂടിയ വസ്തുക്കള് പകുതി വിലക്ക് നല്കാമെന്ന് വാഗ്ദാനം നല്കി യുവാവില് നിന്നും 28000 രൂപ തട്ടിയെടുത്തതായി പരാതി. എറണാകുളം പിറവം സ്വദേശി ബിനോയ് ജോണ് എന്നയാള്ക്കാണ് പണം നഷ്ടമായത്.
കഴിഞ്ഞ ആഗസ്ത് മാസം മുപ്പതാം തീയ്യതിയാണ് പിറവം സ്വദേശിയായ ബിനോയ് ജോണ് തട്ടിപ്പിനിരയായത്. ഐസിഡിഎസ് എക്സ്പ്രസ് എന്ന കമ്പനിയാണ് യു.കെയില് നിന്ന് പകുതി വിലക്ക് ഐഫോണ് എത്തിച്ച് നല്കാമെന്ന് വാഗ്ദാനം ചെയ്തതെന്ന് ബിനോയ് ജോണ് പറയുന്നു.
തുടര്ന്ന് സൈറ്റില് കണ്ട നമ്പറിലേക്ക് വിളിച്ചു. പിന്നീട് അവര് പറഞ്ഞ അക്കൌണ്ടിലേക്ക് 28000 രൂപ അയച്ച് കൊടുക്കുകയും ചെയ്തു. പറഞ്ഞ ദിവസം കഴിഞ്ഞിട്ടും ഐ ഫോണ് ലഭിക്കാതായപ്പോള് ബിനോയ് ജോണ് വീണ്ടും ഇവരുമായി ബന്ധപ്പെട്ടു.
അപ്പോള് കസ്റ്റംസ് ഡ്യൂട്ടിയായി 45000 രൂപ കൂടി അടക്കണമെന്ന് അവശ്യപ്പെട്ടു. തുടര്ന്ന് നടത്തിയ അന്വേഷണത്തിലാണ് ബിനോയ് ജോണിന് തട്ടിപ്പിനിരയായി എന്ന കാര്യം ബോധ്യപ്പെട്ടത്. സമാനമായ രീതിയില് കൂടുതല് പേര് തട്ടിപ്പിനിരയായിട്ടുണ്ടെന്നാണ് ബിനോയ് ജോണ് പറയുന്നു.
Discussion about this post