ബെംഗളൂരു: ബെംഗളൂരു ലഹരി ഇടപാടുമായി ബന്ധപ്പെട്ട കേസില് നടി രാഗിണി ദ്വിവേദി അറസ്റ്റില്. ബെംഗളൂരു സെന്ട്രല് ക്രൈം ബ്രാഞ്ചാണ് നടിയെ അറസ്റ്റ് ചെയ്തത്. കസ്റ്റഡിയില് എട്ടുമണിക്കൂര് ചോദ്യം ചെയ്ത ശേഷമാണ് അറസ്റ്റ്. ഇവരുടെ സുഹൃത്ത് രവി ശങ്കറെ ഇന്നലെ അറസ്റ്റുചെയ്തിരുന്നു.
യെലഹങ്കയിലെ ഫ്ലാറ്റില് നടത്തിയ റെയ്ഡിന് പിന്നാലെയാണ് നടിയെ ചോദ്യം ചെയ്യാനായി കസ്റ്റഡിയിലെടുത്തത്. ഇന്ന് രാവിലെയാണ് ബെംഗളൂരു സെന്ട്രല് ക്രൈം ബ്രാഞ്ച് നടിയുടെ ഫ്ലാറ്റില് റെയ്ഡിനെത്തിയത്. തുടര്ന്നാണ് ചോദ്യം ചെയ്യാനായി നടിയെ കസ്റ്റഡിയിലെടുത്തത്.
രാഗിണി ദ്വിവേദിയുടെ സുഹൃത്ത് രവിശങ്കറെ ഇന്നലെ ചോദ്യം ചെയ്യലിനോടുവില് അറസ്റ്റു ചെയ്തിരുന്നു. സിനിമയിലെ പ്രമുഖരും ലഹരി മാഫിയയുമായുള്ള ബന്ധത്തില് ഇയാള്ക്ക് മുഖ്യ പങ്കുണ്ടെന്നാണ് ക്രൈം ബ്രാഞ്ച് കണ്ടെത്തല്. കൂടാതെ നടിയും മോഡലുമായ സഞ്ജന ഗല്റാണിക്കും ചോദ്യം ചെയ്യലിന് ഹാജരാകാന് ആവശ്യപ്പെട്ട് നോട്ടിസ് നല്കിയിട്ടുണ്ട്.
കന്നഡ സിനിമയിലെ കൂടുതല് പ്രമുഖരെയും ചോദ്യം ചെയ്തേക്കും. കന്നഡ ചലച്ചിത്ര മേഖലയിലെ 12ഓളം പ്രമുഖര്ക്ക് കൂടി ചോദ്യം ചെയ്യലിന് ഹാജരാകാന് ആവശ്യപ്പെട്ട് നോട്ടിസ് നല്കിയെക്കും. നിര്മാതാവ് ഇന്ദ്രജിത്ത് ലങ്കേഷ് നടത്തിയ വെളിപ്പെടുത്തലിന്റെ അടിസ്ഥാനത്തിലാണിത്.
Discussion about this post