മലപ്പുറം: സംസ്ഥാനത്ത് ഇന്ന് സമ്പര്ക്കത്തിലൂടെ 15 പേര്ക്ക് കോവിഡ് സ്ഥിരീകരിച്ചു.
സമ്പര്ക്കത്തിലൂടെ ഏറ്റവും കൂടുതല് രോഗികളുള്ളത് മലപ്പുറത്താണ്. ജില്ലയില് ഇന്ന് 47 പേര്ക്കാണ് രോഗം സ്ഥിരീകരിച്ചത്. ഇതില് 10 പേര്ക്ക് സമ്പര്ക്കത്തിലൂടെയാണ് എന്നത് ആശങ്ക പടര്ത്തുന്നതാണ്.
കൊല്ലം ജില്ലയിലെ 2 പേര്ക്കും, എറണാകുളം, തൃശൂര്, കണ്ണൂര് ജില്ലകളിലെ ഒരാള്ക്ക് വീതവുമാണ് സമ്പര്ക്കത്തിലൂടെ രോഗം സ്ഥിരീകരിച്ച മറ്റുള്ളവര്. ഇത് ആദ്യമായാണ് ഇത്രയധികം പേര്ക്ക് ഒരു ദിവസം സമ്പര്ക്കത്തിലൂടെ രോഗബാധയുണ്ടാകുന്നത്.
ഇന്നലെ പത്ത് പേര്ക്കായിരുന്നു സമ്പര്ക്കത്തിലൂടെ രോഗം ബാധ സ്ഥിരീകരിച്ചിരുന്നത്.
സംസ്ഥാനത്ത് ഇന്ന് 195 പേര്ക്കാണ് കോവിഡ്-19 പുതിയതായി സ്ഥിരീകരിച്ചത്. മലപ്പുറം ജില്ലയില് 47 പേര്ക്കും, പാലക്കാട് ജില്ലയില് 25 പേര്ക്കും, തൃശൂര് ജില്ലയില് 22 പേര്ക്കും, കോട്ടയം ജില്ലയില് 15 പേര്ക്കും, എറണാകുളം ജില്ലയില് 14 പേര്ക്കും, ആലപ്പുഴ ജില്ലയില് 13 പേര്ക്കും, കൊല്ലം ജില്ലയില് 12 പേര്ക്കും, കണ്ണൂര്, കാസര്ഗോഡ് ജില്ലകളില് 11 പേര്ക്ക് വീതവും, കോഴിക്കോട് ജില്ലയില് 8 പേര്ക്കും, പത്തനംതിട്ട ജില്ലയില് 6 പേര്ക്കും, വയനാട് ജില്ലയില് 5 പേര്ക്കും, തിരുവനന്തപുരം ജില്ലയില് 4 പേര്ക്കും, ഇടുക്കി ജില്ലയില് 2 പേര്ക്കുമാണ് രോഗം സ്ഥിരീകരിച്ചത്.
Discussion about this post