കാസര്കോട്: കൊറോണ ബാധ സംശയിച്ച് കാസര്കോട്, മഞ്ചേശ്വരം എംഎല്എമാര് നിരീക്ഷണത്തില്. കാസര്കോട് എംഎല്എ എന്എ നെല്ലിക്കുന്ന്, മഞ്ചേശ്വരം എംഎല്എ എംസി ഖമറുദ്ദീന് എന്നിവരാണ് വീടുകളില് നിരീക്ഷണത്തില് കഴിയുന്നത്.
വ്യാഴാഴ്ച കാസര്കോട് വൈറസ് ബാധ സ്ഥിരീകരിച്ച ആളുകളുമായി ഇവര് സമ്പര്ക്കത്തില് ഏര്പ്പെട്ടിരുന്നു. അഞ്ചുദിവസത്തിനിടെ വിവാഹച്ചടങ്ങുകളില് ഉള്പ്പെടെ വൈറസ് ബാധിതന് പങ്കെടുത്തിരുന്നു എന്നാണ് റിപ്പോര്ട്ട്. ഇതിന്റെ അടിസ്ഥാനത്തിലാണ് മുന്കരുതലെന്നോണം ഇവരെ വീടുകളില് നിരീക്ഷണത്തില് കഴിയുന്നത്.
കല്യാണങ്ങളിലും പൊതു പരിപാടികളിലുമാണ് എംഎല്എമാര് രോഗബാധ സ്ഥിരീകരിച്ച ആളുമായി ഒരുമിച്ച് പങ്കെടുത്തത്. എംസി ഖമറുദ്ദീനുമായി ഹസ്തദാനം നല്കുകയും ചെയ്തിരുന്നതായാണ് ലഭിക്കുന്ന വിവരം. ദുബായിയില് നിന്ന് മാര്ച്ച് 11ന് പുലര്ച്ചെ എട്ടുമണിയോടെയാണ് കോഴിക്കോട് വിമാനത്താവളത്തില് കൊറോണ സ്ഥിരീകരിക്കപ്പെട്ട ആള് എത്തിയത്. തുടര്ന്ന് കോഴിക്കോട് ഒരു ലോഡ്ജില് മുറിയെടുത്ത് താമസിച്ചു.
അടുത്ത ദിവസം രാവിലെ മാവേലി എക്സ്പ്രസിന്റെ എസ് 9 സ്ലീപ്പര് കോച്ചിലാണ് ഇയാള് കോഴിക്കോടുനിന്ന് കാസര്കോടേയ്ക്ക് പുറപ്പെട്ടത്. ഇതിനു ശേഷം അഞ്ച് ദിവസം കാസര്കോട് നിരവധി സ്ഥലങ്ങളില് പോവുകയും നിരവധി പേരുമായി ഇടപെടുകയും ചെയ്തിട്ടുണ്ട്. പിന്നീട് 16-ാം തീയതി കാസര്കോട് ഒരു കൊറോണ വൈറസ് ബാധ സ്ഥിരീകരിച്ചപ്പോഴാണ് ഇയാള് കാസര്കോട് ജനറല് ആശുപത്രിയില് എത്തുന്നത്. തുടര്ന്ന് സാമ്പിളുകള് പരിശോധനയ്ക്ക് എടുക്കുകയും നിരീക്ഷണത്തില് കഴിയാന് ആവശ്യപ്പെടുകയും ചെയ്തു.
Discussion about this post