പാലോട്: പാലോട് വധൂവരന്‍മാര്‍ സഞ്ചരിച്ചിരുന്ന കാര്‍ ഓട്ടോയിലിടിച്ച് അപകടം. അപകടത്തില്‍ രണ്ട് പേര്‍ക്ക് പരിക്ക്. ഓട്ടോ ഡ്രൈവര്‍ ഷെഫീക് യാത്രക്കാരിയായ റിട്ടയര്‍ ആരോഗ്യവകുപ്പ് ജീവനക്കാരി വിജയമ്മ എന്നിവര്‍ക്കാണ് പരിക്കേറ്റത്.
ഇവര്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. വിജയമ്മയ്ക്ക് തലയില്‍ പരിക്കുണ്ട്. കഴിഞ്ഞ ദിവസം വൈകുന്നേരം മൂന്ന് മണിയോടെയാണ് സംഭവം.
ഇലവുപാലത്ത് വച്ച് പാലോട്ടേക്ക് വരികയായിരുന്ന ഓട്ടോയുമായി കാര്‍ കൂട്ടിയിടിക്കുകയായിരുന്നു. റോഡിന്റെ വലതുവശത്തേക്ക് വന്ന കാര്‍ വൈദ്യുതി പോസ്റ്റും തകര്‍ത്തിട്ടുണ്ട്. കാറില്‍ സഞ്ചരിച്ചിരുന്ന വധൂവരന്‍മാരടക്കം ആര്‍ക്കും പരിക്കേറ്റിട്ടില്ല. വിവാഹം കഴിഞ്ഞ് മടങ്ങുമ്പോഴായിരുന്നു അപകടം.
Discussion about this post