ട്രിപ്പിൾ ലോക്ക്ഡൗണിൽ മാറ്റിവെച്ച ലോട്ടറി നറുക്കെടുപ്പ് നാളെ പുനഃരാരംഭിക്കും; ഇത്തവണ നറുക്കെടുപ്പ് ആറ്റിങ്ങൾ സ്‌കൂളിൽ

തിരുവനന്തപുരം: സമ്പർക്കത്തെ തുടർന്ന് കൊവിഡ് പടരുന്നതിനാൽ തിരുവനന്തപുരം നഗരത്തിൽ ഏർപ്പെടുത്തിയ ട്രിപ്പിൾ ലോക്ക്ഡൗൺ കാരണം നിർത്തിവച്ച സംസ്ഥാന ഭാഗ്യക്കുറിയുടെ നറുക്കെടുപ്പ് വ്യാഴാഴ്ച(9-7-2020)പുനഃരാരംഭിക്കും. ആറാം തീയതി നിശ്ചയിച്ചിരുന്ന വിൻവിൻ ഡബ്ല്യു 572 നറുക്കെടുപ്പാണ് നാളെ നടക്കുക. ട്രിപ്പിൾ ലോക്ക്ഡൗണിന്റെ പശ്ചാത്തലത്തിൽ സ്ഥിരം നറുക്കെടുപ്പ് വേദിയായ ഗോർക്കി ഭവനിൽ നിന്ന് മാറ്റി നഗരപരിധിക്ക് പുറത്തുള്ള ആറ്റിങ്ങൽ ഗവൺമെന്റ് ബിഎച്ച്എസിൽ വച്ചാകും ഈ നറുക്കെടുപ്പുകൾ.

നേരത്തെ ലോക്ക്ഡൗണിനെ തുടർന്ന് മാർച്ച് മാസത്തിൽ നിർത്തി വച്ചിരുന്ന 8 ടിക്കറ്റുകളുടെ വിൽപ്പന മേയ് 21 ന് പുനഃരാരംഭിച്ചിരുന്നു. കൊവിഡ് ഭീതിയിൽ കേരള ലോട്ടറിയുടെ അച്ചടിയും വിൽപനയും ആ ദിനങ്ങളിൽ പൂർണ്ണമായും നിർത്തിവച്ചിരുന്നു. ലോക്ക്ഡൗണിനു മുൻപു 96 ലക്ഷം വരെ അച്ചടിച്ചിരുന്ന കേരള ലോട്ടറിയുടെ വിവിധ ടിക്കറ്റുകൾ കൊവിഡ് ഭീഷണിയോടെ കുറച്ചിരുന്നു.

പുതുക്കിയ നറുക്കെടുപ്പ് തീയതികൾ
വിൻ വിൻ W 572 9-7-2020
സ്ത്രീശക്തി SS 217 10-7-2020
അക്ഷയ AK 453 11-7-2020
കാരുണ്യപ്ലസ് KN 324 12-7-2020
നിർമ്മൽ NR 181 19-7-2020
കാരുണ്യ KR 456 26-7-2020