ജിദ്ദ: മലയാളി യുവാവിന് പ്രവാസലോകത്ത് ദാരുണാന്ത്യം. മലപ്പുറം പാണ്ടിക്കാട് ചെമ്പ്രശ്ശേരി സ്വദേശി കൊറ്റങ്ങോടന് ശബീറലി ആണ് ജിദ്ദയില് മരിച്ചത്. ഹൃദാഘാതത്തെത്തുടര്ന്നാണ് മരണം സംഭവിച്ചതെന്നാണ് വിവരം. മുപ്പത്തിനാല് വയസ്സായിരുന്നു.
ഏതാനും വര്ഷങ്ങളായി ജിദ്ദ അല് ജാമിഅയില് ഫഖീഹ ഫുഡ് ഷോപ്പില് സെയില്സ്മാനായി ജോലി ചെയ്യുകയായിരുന്നു ശബീറലി. ദിവസങ്ങള്ക്ക് മുമ്പ് ഇദ്ദേഹത്തിന് ശ്വാസതടസ്സം അനുഭവപ്പെട്ടിരുന്നു. തുടര്ന്ന് ആശുപത്രിയില് പ്രവേശിപ്പിച്ചിരുന്നു.
അഞ്ച് ദിവസങ്ങള്ക്ക് മുമ്പാണ് ശബീറലിയെ ഈസ്റ്റ് ജിദ്ദ ആശുപത്രിയില് പ്രവേശിപ്പിത്. ഇതിന് പിന്നാലെയാണ് ഹൃദഘാതം സംഭവിച്ചത്. അതേസമയം കോവിഡ് സംശയങ്ങളൊന്നും അധികൃതര് ഉയര്ത്തിയിട്ടില്ല. പിതാവ്: പരേതനായ അബ്ദു റഹ്മാന്, മാതാവ്: ഫാത്തിമ. ഭാര്യ: നിഷാന, മക്കള്: ശബാന്(6), ഹയ(4 മാസം).
Discussion about this post