റിയാദ്: ഹോട്ടലിന്റെ പാരപ്പെറ്റ് തകര്ന്നു വീണ് രണ്ട് പേര് മരിച്ചു. സൗദി അറേബ്യയിലെ റിയാദിലാണ് സംഭവം. അപകടത്തില് കായംകുളം സ്വദേശി അബ്ദുല് അസീസ് (50) , തമിഴ്നാട് സ്വദേശി എന്നിവരാണ് മരിച്ചത്. ഗുരുതരമായി പരിക്കേറ്റ മൂന്ന് പേരെ അടുത്തുള്ള ആശുപത്രിയിലേക്ക് മാറ്റി.
റിയാദിലെ എക്സിറ്റ് മുപ്പതിലുള്ള മലയാളികളുടെ കീഴിലുള്ള മലസ് ഹോട്ടലിന്റെ മുന്ഭാഗമാണ് താഴേക്ക് പതിച്ചത്. ഹോട്ടലിന് മുന്നില് അറ്റകുറ്റപ്പണിക്കിടെയാണ് അപകടം സംഭവിച്ചത്. ഹോട്ടലിന്റെ മുന്വശത്ത് താഴെ ചായ കുടിച്ചു കൊണ്ടിരിക്കുന്നവര്
അടിയില് പെടുകയായിരുന്നു.
ഇവര് സംഭവസ്ഥലത്തുവെച്ചുതന്നെ മരിച്ചുവെന്നാണ് വിവരം. അപകടത്തില് ഗുരുതരമായി പരിക്കേറ്റവരെ ആശുപത്രിയിലെത്തിച്ചു. ഇവര് ചികിത്സയില് കഴിയുകയാണ്. മരിച്ച അബ്ദുള് അസീസ് റൌദയിലെ കേളി സാംസ്കാരിക വേദി സെക്രട്ടറിയായിരുന്നു.
Discussion about this post