യോക്കോഹാമ: ജപ്പാന് ആഡംബരക്കപ്പലിലെ 10 യാത്രക്കാര്ക്ക് കൊറോണ സ്ഥിരീകരിച്ചു. ജാപ്പനീസ് ആഡംബരക്കപ്പലായ ഡയമണ്ട് പ്രിന്സസ് ക്രൂയിസിലെ യാത്രികര്ക്കാണ് കൊറോണ സ്ഥിരീകരിച്ചിരിക്കുന്നത്. ഇതേതുടര്ന്ന് കപ്പലിലെ നാലായിരത്തോളം സഞ്ചാരികളെയും ജീവനക്കാരെയും ജീവനക്കാരെയും ക്വാറന്റൈന് ചെയ്തി. ജപ്പാനിലെ യോക്കോഹാമ തുറമുഖത്ത് പിടിച്ചിരിക്കുകയാണ്. കപ്പലിലുള്ളവരൈ പുറത്തിറങ്ങാന് ഇതുവരെയും അനുവദിച്ചിട്ടില്ല.
3700 സഞ്ചാരികളാണ് ഈ കപ്പലിലുള്ളത്. കൂടാതെ ജീവനക്കാരും ഉണ്ട്. ഏകദേശം 4000മേലെ ആളുകളാണ് ഈ കപ്പലിലുള്ളത്. ഹോങ്കോങ് തുറമുഖത്ത് കപ്പലിറങ്ങിയ യാത്രക്കാരന് കൊറോണ സ്ഥിരീകരിച്ചതിനെ തുടര്ന്നാണ് കപ്പലിലുള്ള 273 പേരുടെ സാംപിളുകള് പരിശോധനയ്ക്ക് അയച്ചത്. ഇതില് പത്തോളം പേര്ക്ക് കൊറോണ സ്ഥിരീകരിക്കുകയായിരുന്നു. ഇതോടെ കപ്പലിലെ മുഴുവന് ആള്ക്കാരെയും പരിശോധനയ്ക്ക് വിധേയമാക്കുമെന്ന് അധികൃതര് അറിയിച്ചു. 14 ദിവസത്തെ നിരീക്ഷണമാണ് കപ്പലിലെ യാത്രക്കാര്ക്ക് ഏര്പ്പെടുത്തിയിരിക്കുന്നത്. കപ്പലില് നിന്നും കൊറോണ സ്ഥിരീകരിച്ചവരെ സ്ഥലത്തെ ആശുപത്രികളിലേക്ക് മാറ്റുമെന്ന് അധികൃതര് പറഞ്ഞു.
കഴിഞ്ഞ മാസം ഇതേ കപ്പലില് യാത്രക്കാരനായിരുന്ന ഹോങ്കോങ് സ്വദേശിയായ എണ്പതുകാരനാണ് വൈറസ് സ്ഥിരീകരിച്ചത്. യാത്രയ്ക്കിടെ ഇയാള്ക്ക് രോഗലക്ഷണങ്ങളൊന്നും പ്രത്യക്ഷപ്പെട്ടിരുന്നില്ല. എന്നാല് ജനുവരി 25ന് ഹോങ്കോങില് തിരിച്ചെത്തിയതിനു പിന്നാലെ ലക്ഷണങ്ങള് പ്രകടമായതോടെ ഇയാള് ആശുപത്രിയിലെത്തി പരിശോധന നടത്തുകയായിരുന്നു.
Discussion about this post