ബാഗ്ദാദ്: അമേരിക്കയ്ക്ക് മറുപടിയുമായി ഇറാന്. ഇറാഖിലെ രണ്ട് യുഎസ് സൈനിക താവളങ്ങളിലേക്ക് ഇറാന് മിസൈലാക്രണം നടത്തി. ഇന്ത്യന് സമയം പുലര്ച്ചെ അഞ്ച് മണിയോടെയാണ് ഇറാഖിലെ ഇര്ബിലിലേയും അല് അസദിലേയും രണ്ട് യുഎസ് സൈനിക താവളങ്ങളില് ഇറാന് മിന്നലാക്രമണം നടത്തിയത്.
ഏകദേശം 12ലധികം ബാലസ്റ്റിക് മിസൈലുകള് യുഎസ് സൈനിക കേന്ദ്രങ്ങള് ലക്ഷ്യമാക്കി പ്രയോഗിച്ചതായാണ് റിപ്പോര്ട്ട്. എന്നാല് എത്രത്തോളം നാശനഷ്ടങ്ങള് ഉണ്ടായിട്ടുണ്ടെന്ന് വ്യക്തമല്ല. യുഎസ് വ്യോമാക്രമണത്തില് കൊല്ലപ്പെട്ട മേജര് ജനറല് ഖാസിം സുലൈമാനിയുടെ മരണനാനന്തര ചടങ്ങുകള് നടന്ന് വരുന്നതിനിടെയാണ് ഇറാന്റെ നേരിട്ടുള്ള സൈനിക നടപടി.
അതേസമയം, ഇറാന്റെ ഉന്നത സൈനിക കമാന്ഡര് ഖാസിം സുലൈമാനിയെ കൊലപ്പെടുത്തിയതിന് മറുപടിയായാണ് ആക്രമണം നടത്തിയതെന്ന് ദേശീയ ചാനലിലൂടെ ഇറാന് പ്രഖ്യാപിച്ചു.
അതേസമം, ഇറാന് മിസൈലാക്രമണം നടത്തിയതായി യുഎസ് പ്രതിരോധ ആസ്ഥാനമായ പെന്റഗണ് സ്ഥിരീകരിച്ചു. നാശനഷ്ടങ്ങള് സംബന്ധിച്ച് വിലയിരുത്തലിലാണെന്ന് പെന്റഗണ് അറിയിച്ചു.
Discussion about this post