കൊച്ചി: കൊച്ചിയില് വന് സ്വര്ണ്ണ കവര്ച്ച. എറണാകുളത്ത് നിന്നും ആലുവ ഇടയാറിലെ സ്വര്ണ്ണ കമ്പനിയിലേക്ക് കൊണ്ട് പോയ 6 കോടി രൂപയുടെ സ്വര്ണ്ണമാണ് ഇന്നലെ കവര്ന്നത്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
എറണാകുളത്തെ സ്വകാര്യ സ്ഥാപനത്തില് നിന്നും കാര് മാര്ഗം ആലുവ ഇടയാറിലെ സിആര്ജി മെറ്റല്സ് കമ്പനിയിലേക്ക് ശുദ്ധീകരിക്കാനായി കൊണ്ട് പോയ 25 കിലോ സ്വര്ണ്ണമാണ് കവര്ന്നത്. ബൈക്കിലെത്തിയ രണ്ടംഗ സംഘമാണ് സ്വര്ണ്ണം കവര്ന്നത്. വാഹനം തടഞ്ഞു നിര്ത്തി ഭീഷണിപ്പെടുത്തിയ ശേഷമായിരുന്നു കവര്ച്ച.
കാറിന്റെ ഡ്രൈവര്ക്കും ഒപ്പമുണ്ടായിരുന്ന ആള്ക്കും ആക്രമണത്തില് പരിക്കേറ്റു. സ്വര്ണ്ണം എത്തുന്ന വിവരം മുന്കൂട്ടി അറിയാവുന്നവരാണ് കവര്ച്ചക്ക് പിന്നിലെന്നാണ് പോലീസ് പറയുന്നത്. കമ്പനിയുടെ മുന്നില് വെച്ച് നടന്ന കവര്ച്ച ജീവനക്കാരുടെ അറിവില്ലാതെ നടക്കില്ലെന്നും പോലീസ് സംശയിക്കുന്നു.
Discussion about this post