കൊച്ചി: കൊച്ചിയില് ഭീകരാക്രമണ സാധ്യതയെന്ന് രഹസ്യാന്വേഷണ വിഭാഗത്തിന്റെ മുന്നറിയിപ്പ്. മുന്നറിയിപ്പിന്റെ അടിസ്ഥാനത്തില് തീരദേശത്ത് സുരക്ഷ ശക്തമാക്കി. കൂടാതെ എല്ലാ ജില്ലകളിലും സുരക്ഷ ശക്തമാക്കാനും നിര്ദേശമുണ്ട്. അതേസമയം, സംസ്ഥാനത്തെ സുരക്ഷാ വിഭാഗങ്ങളുടെ കാര്യക്ഷമത പരീക്ഷിക്കുന്നതിനായി നാഷണല് സെക്യൂരിറ്റി ഗാര്ഡിന്റെ പ്രത്യേക സംഘം കേരളത്തിലെത്തി.
എന്എസ്ജിയുടെ 150 അംഗ സംഘമാണ് കൊച്ചിയിലെത്തിയത്. വിമാനത്താവള സുരക്ഷാചുമതലയുള്ള സിഐഎസ്എഫ്, സംസ്ഥാന പോലീസ്, ഫയര് ആന്ഡ് സേഫ്റ്റി വിഭാഗം എന്നിവയുമായി ചേര്ന്ന് ഇന്ന് കൊച്ചി അന്താരാഷ്ട്ര വിമാനത്താവളത്തില് മോക് ഡ്രില് നടത്തും.
കൊച്ചിയുടെ തീരപ്രദേശത്ത് സംശയാസ്പദമായ സാഹചര്യത്തില് കാണുന്ന എല്ലാവരെയും പരിശോധിക്കും. ശ്രീലങ്കയില് നിന്നെത്തുന്നവരുടെ അടക്കം വിദേശികളുടെ യാത്രാരേഖകളും മറ്റും അതീവ ജാഗ്രതയോടെ നിരീക്ഷിക്കാന് എമിഗ്രേഷന് വിഭാഗത്തിന് നിര്ദേശം നല്കിയിട്ടുണ്ട്. കഴിഞ്ഞ ദിവസം എന്ഐഎ കൊച്ചിയില് അറസ്റ്റ് ചെയ്ത റിയാസ് അബൂബക്കര് കേരളത്തില് ചാവേര് ആക്രമണത്തിന് പദ്ധതിയിട്ടിരുന്നതായി മൊഴി നല്കിയിരുന്നു.
Discussion about this post