കൊച്ചി: തനിക്കെതിരായ ലൈംഗികാരോപണങ്ങള്ക്ക് പിന്നില് ഗൂഢാലോചനയുണ്ടെന്ന് റാപ്പര് വേടന്. അതില് യാതൊരു സംശയവും തനിക്കില്ലെന്നും വേടന് പറഞ്ഞു. വേടനെ സ്ഥിരം കുറ്റവാളിയാക്കാന് ശ്രമം നടക്കുന്നുവെന്ന് കാണിച്ച് അദ്ദേഹത്തിന്റെ സഹോദരന് മുഖ്യമന്ത്രിക്ക് നല്കിയ പരാതിയെ കുറിച്ചുള്ള മാധ്യമപ്രവര്ത്തകരുടെ ചോദ്യത്തിനായിരുന്നു പ്രതികരണം.
കേസ് നിലനില്ക്കുന്ന സാഹചര്യത്തില് കൂടുതലൊന്നും പറയുന്നില്ല. ഈ തിരക്കും കേസുമെല്ലാം കഴിഞ്ഞ് ബാക്കികാര്യങ്ങളെല്ലാം സംസാരിക്കാമെന്നും വേടന് പറഞ്ഞു. ഗൂഢാലോചനയുണ്ടായി എന്നതില് തനിക്ക് യാതൊരുവിധ സംശയവുമില്ല. അക്കാര്യങ്ങളെല്ലാം പിന്നീട് പറയാമെന്നും വേടന് വ്യക്തമാക്കി. ഗവേഷക വിദ്യാര്ഥി നല്കിയ ലൈംഗികാതിക്രമ പരാതിയില് എറണാകുളം സെന്ട്രല് സ്റ്റേഷനില് ഹാജരാകാനെത്തിയതായിരുന്നു വേടന്.
Discussion about this post