കൊച്ചി: അപകടത്തില് പരിക്കേറ്റ് മരിച്ച 33 വയസുകാരന് കൊല്ലം സ്വദേശി ഐസക്കിന്റെ അവയവങ്ങള് 6 പേര്ക്ക് പുതുജീവന് നല്കും. ഹൃദയം, വൃക്ക, കരള്, കോര്ണിയ എന്നിവയാണ് ദാനം ചെയ്യുന്നത്. ഹൃദയം നല്കുക എറണാകുളം ലിസി ആശുപത്രിയില് ചികിത്സയില് കഴിയുന്ന 28കാരനായ അങ്കമാലി സ്വദേശി അജിന് ഏലിയാസിനാണ്.
കൊട്ടാരക്കര സ്വദേശിയും ഹോട്ടലുടമയുമായ ഐസക്ക് ജോലി കഴിഞ്ഞ് പുറത്തേക്ക് ഇറങ്ങുന്ന സമയത്താണ് എതിരെ വന്ന വാഹനമിടിച്ച് പരിക്കേല്ക്കുന്നത്. അപ്പോള്ത്തന്നെ തിരുവനന്തപുരം ആശുപത്രിയിലേക്ക് എത്തിച്ചു. തീവ്രപരിചരണ വിഭാഗത്തില് ചികിത്സയിലായിരുന്ന ഐസക്കിന് ഇന്നലെയാണ് മസ്തിഷ്ക മരണം സ്ഥിരീകരിച്ചത്. തുടര്ന്ന് ബന്ധുക്കള് അവയവ ദാനത്തിനുള്ള സന്നദ്ധത അറിയിക്കുകയായിരുന്നു.
Discussion about this post