തൃശൂര്: ഒഡീഷയില് നിന്നും കേരളത്തിലേക്കുള്ള യാത്രക്കിടെ ട്രെയിനില് യുവതി കുഞ്ഞിന് ജന്മം നല്കി. ഒഡീഷ സ്വദേശിനിയായ രചന റാണയാണ് ട്രെയിനില് പ്രസവിച്ചത്. ഒഡീഷയില് നിന്നുള്ള ടാറ്റാനഗര് ട്രെയിനില് ഭര്ത്താവിനും കുടുംബത്തോടുമൊപ്പം ആലുവയിലേക്ക് വരികയായിരുന്നു 19 കാരിയായ രചന റാണ.
ട്രെയിന് തൃശ്ശൂര് നെല്ലാട് എത്തിയതോടെ രചനക്ക് പ്രസവ വേദന അനുഭവപ്പെടുകയും കുഞ്ഞിന് ജന്മം നല്കുകയുമായിരുന്നു. ട്രെയിന് ആലുവയിലെത്തിയപ്പോള് അധികൃതരെത്തി അമ്മയേയും കുഞ്ഞിനേയും ആലുവ ജില്ലാ ആശുപത്രിയിലേക്ക് മാറ്റി. അമ്മയ്ക്കും കുഞ്ഞിനും ആരോഗ്യപ്രശ്നങ്ങളില്ലെന്നും ഇരുവരും സുഖമായിരിക്കുന്നുവെന്നും ആശുപത്രി അധികൃതര് അറിയിച്ചു.
റെയില്വേ ജീവനക്കാരും യാത്രക്കാരും ചേര്ന്ന് അമ്മയ്ക്കും കുഞ്ഞിനും പ്രാഥമിക പരിചരണം നല്കിയ ശേഷമാണ് ഡോക്ടേഴ്സിനെ വിവരമറിയിച്ചത്.
Discussion about this post