തൃശൂര്: പീച്ചി ഡാം റിസര്വോയറില് വീണ പെണ്കുട്ടികളില് ഒരാള് കൂടി മരിച്ചു. റിസര്വോയറില് വീണ് ചികിത്സയിലായിരുന്ന പെണ്കുട്ടിയാണ് മരിച്ചത്. പട്ടിക്കാട് ചാണോത്ത് സ്വദേശി ആന്ഗ്രേസ്(16) ആണ് മരിച്ചത്. ജൂബിലി മിഷന് മെഡിക്കല് കോളേജില് ചികിത്സയിലിരിക്കേയാണ് മരണം. തൃശൂര് സെന്റ് ക്ലയേഴ്സ് സ്കൂളിലെ പ്ലസ് വണ് വിദ്യാര്ഥിനിയാണ് ആന്ഗ്രേയ്സ്.
ഇന്നലെ അര്ധരാത്രിയാണ് 14 വയസുകാരിയായ അലീന മരിച്ചത്. വെളുപ്പിന് 12.37-ന് മരണം സ്ഥിരീകരിച്ചതായി ആശുപത്രി അധികൃതര് വ്യക്തമാക്കിയിരുന്നു.
സുഹൃത്തിന്റെ വീട്ടില് തിരുന്നാള് ആഘോഷത്തിന് വന്നതായിരുന്നു ഇവര്. ഇന്നലെ വൈകിട്ട് മൂന്നരയോടെയാണ് അപകടമുണ്ടായത്. നാല് പേരും റിസര്വോയറില് വീഴുകയായിരുന്നു. ഇവര് ഇറങ്ങിയ ഭാഗത്ത് കയമുണ്ടായിരുന്നു. അതില് അകപ്പെട്ടതാണ് അപകടത്തിന് കാരണമായതെന്ന് പ്രദേശവാസികള് പറഞ്ഞു.
Discussion about this post