കോഴിക്കോട്: ആശുപത്രിയിലേക്കുള്ള യാത്രാമധ്യേ യുവതിക്ക് ആംബുലന്സില് സുഖപ്രസവം. അതിഥി തൊഴിലാളിയായ അമ്മയ്ക്കും കുഞ്ഞിനും കനിവ് 108 ആംബുലന്സ് ജീവനക്കാരാണ് രക്ഷകരായത്. അസ്സം സ്വദേശിയും കോഴിക്കോട് മുക്കം കുമാരനല്ലൂര് മുരിങ്ങപുറായി മസ്ജിദിന് സമീപം താമസിക്കുന്ന19 കാരിയാണ് ആംബുലന്സില് പ്രസവിച്ചത്. ഇന്നലെ രാത്രി പത്തരയോടെയാണ് സംഭവം.
യുവതിക്ക് പ്രസവവേദന അനുഭവപ്പെട്ടതിനെ തുടര്ന്ന് കനിവ് 108 ആംബുലന്സിന്റെ സേവനം തേടുകയായിരുന്നു. എമര്ജന്സി മെഡിക്കല് ടെക്നീഷ്യന് രാഗേഷ് നടത്തിയ പരിശോധനയില് പ്രസവം എടുക്കാതെ മുന്നോട്ട് പോകുന്നത് യുവതിക്കും കുഞ്ഞിനും സുരക്ഷിതമല്ലെന്ന് മനസ്സിലാക്കി.
തുടര്ന്ന് ആംബുലന്സില് ആവശ്യമായ സജ്ജീകരണങ്ങള് ഒരുക്കുകയായിരുന്നു. യുവതി 11.10ന് ആണ്കുഞ്ഞിനെ പ്രസവിക്കുകയും ചെയ്തു. പിന്നീട് മുക്കത്തെ സ്വകാര്യ മെഡിക്കല് കോളേജ് ആശുപത്രിയിലേക്ക് യുവതിയേയും കുഞ്ഞിനേയും മാറ്റി.
Discussion about this post