തിരുവനന്തപുരം: കേരളത്തില് നാല് ജില്ലകളില് ഉയര്ന്ന താപനില മുന്നറിയിപ്പ്. ഇന്ന് കണ്ണൂര്, കോഴിക്കോട്, കോട്ടയം, ആലപ്പുഴ ജില്ലകളില് ചൂട് കൂടുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.
ഈ ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. കണ്ണൂര് ജില്ലയിലാണ് ഏറ്റവും കൂടുതല് ചൂട് അനുഭവപ്പെടുക. 38 ഡിഗ്രി സെല്ഷ്യസ് വരെ ചൂട് ഉയര്ന്നേക്കുമെന്നാണ് വിലയിരുത്തല്.
also read:‘ഇത്തവണ തിരഞ്ഞെടുപ്പിൽ മത്സരിക്കാനില്ല; അന്തിമതീരുമാനം കേന്ദ്ര നേതൃത്വം പറയും’: കെ സുരേന്ദ്രൻ
ആലപ്പുഴ, കോഴിക്കോട് ജില്ലകളില് 36 ഡിഗ്രി സെല്ഷ്യസ് വരെയും കോട്ടയം ജില്ലയില് 37 ഡിഗ്രി സെല്ഷ്യസും ചൂട് ഉയരും. സാധാരണ താപനിലയില് നിന്ന് നാല് ഡിഗ്രി സെല്ഷ്യസ് വരെ ചൂട് ഉയര്ന്നേക്കുമെന്നാണ് മുന്നറിയിപ്പില് പറയുന്നത്.
അതിനാല് പൊതുജനങ്ങള്ക്ക് സംസ്ഥാന ദുരന്ത നിവാരണ അതോറിറ്റി ജാഗ്രതാ നിര്ദേശങ്ങള് പുറപ്പെടുവിച്ചു. രാവിലെ 11 മുതല് ഉച്ചയ്ക്ക് മൂന്ന് വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം ഏല്ക്കുന്നത് ഒഴിവാക്കണം.
Discussion about this post