തിരുവനന്തപുരം: കാട്ടാക്കടയിൽ വയോധികനെ ബന്ധുക്കൾ ചേർന്ന് മർദിച്ചു കൊലപ്പെടുത്തിയ സംഭവത്തിൽ അറസ്റ്റ്.. തിരുവനന്തപുരം കാട്ടാക്കടയിലുണ്ടായ സംഭവത്തിലാണ് പോലീസ് നടപടി.
പൂവച്ചൽ പാറമുകൾ സ്വദേശി ജലജൻ ആണ് കൊല്ലപ്പെട്ടത്. ജലജന്റൈ സഹോദരിയുടെ മകളുടെ ഭർത്താവും ബന്ധുക്കളും ചേർന്നാണ് മർദ്ദിച്ചതെന്നാണ് ലഭ്യമാകുന്ന വിവരം. സഹോദരിയുടെ മകളുടെ ഭർത്താവ് സുനിൽ, സുനിലിന്റെ സഹോദരൻ സാബു എന്നിവരെ പോലീസ് പിടികൂടി.
ജലജനെ ക്രൂരമായി മർദിച്ചതിന് ശേഷം കല്ലുപയോഗിച്ച് മുഖത്തിടിച്ചാണ് ബന്ധുക്കൾ കൊലപ്പെടുത്തിയത് എന്നാണ് വിവരം. സംഭവവുമായി ബന്ധപ്പെട്ട് അന്വേഷണം നടത്തുകയാണെന്നും കൂടുതൽ വിവരങ്ങൾ ഉടനെ പുഫറത്തുവിടുമെന്നും കാട്ടാക്കട പോലീസ് അറിയിച്ചു.
Discussion about this post