കോട്ടയം: കോട്ടയം മെഡിക്കല് കോളേജിലെ ഗൈനക്കോളജി വാര്ഡില് നിന്നും കാണാതായ നവജാത ശിശുവിനെ കണ്ടെത്താന് നിര്ണായകമായത് ടാക്സി ഡ്രൈവറുടെ ജാഗ്രത.
ഇടുക്കി മുണ്ടക്കയം സ്വദേശിനിയുടെ മൂന്ന് ദിവസം മാത്രം പ്രായമുള്ള കുഞ്ഞിനെയാണ് ജീവനക്കാരിയുടെ വേഷം ധരിച്ചെത്തിയ സ്ത്രീ മെഡിക്കല് കോളേജില് നിന്നും കടത്തികൊണ്ടുപോയത്. ഏറെ നേരത്തെ തിരച്ചിലിനൊടുവില് ആശുപത്രി പരിസരത്ത് നിന്ന് കുഞ്ഞിനെ കണ്ടെത്തി. കുട്ടിയെ കടത്തികൊണ്ടുപോയ സ്ത്രീ പോലീസിന്റെ കസ്റ്റഡിയിലാണ്.
കുട്ടിയുടെ ആരോഗ്യനില തൃപ്തികരമാണെന്നും ഡിഎംഒ അറിയിച്ചു. ആശുപത്രിയിലെത്തിച്ച കുട്ടിയെ നിരീക്ഷണത്തിനായി ഐസിയുവിലേക്ക് മാറ്റിയെന്നും അമ്മയും കുട്ടിയും സന്തോഷമായി ഇരിക്കുന്നുവെന്നും ഡിഎംഒ അറിയിച്ചു.
ആശുപത്രിക്ക് സമീപത്തുനിന്നും പോലീസ് കണ്ടെത്തി തിരികെ വ്യാഴാഴ്ച വൈകീട്ടോടെ വേഷപ്പകര്ച്ചയിലെത്തിയ സ്ത്രീ കുട്ടിക്ക് മഞ്ഞ നിറമുണ്ടെന്നും എംഐസിയുവിലേക്ക് മാറ്റണമെന്നും പറഞ്ഞാണ് അമ്മയുടെ കൈയില് നിന്നും കുഞ്ഞിനെ വാങ്ങിക്കൊണ്ടുപോയത്.
സ്ത്രീ നഴ്സിന്റെ കോട്ടിട്ടതിനാല് അമ്മയ്ക്ക് ഇവരെക്കുറിച്ച് സംശയവും തോന്നിയിരുന്നില്ല. അല്പം നേരം കഴിഞ്ഞാണ് ഇവര് സംഭവം നഴ്സിങ് സ്റ്റേഷനിലെത്തി പറഞ്ഞത്. ഉടന് തന്നെ ആശുപത്രി അധികൃതര് പോലീസില് വിവരം അറിയിച്ചു.
Read Also: യൂസഫലിയുടെ കാരുണ്യം: ഹംസയുടെ സ്വപ്നം സഫലമാകും; തുരുമ്പെടുത്ത ഓട്ടോറിക്ഷ ഇനി ഓടിക്കേണ്ട
തട്ടിയെടുത്ത കുഞ്ഞുമായി നഗരത്തിലെ ഹോട്ടലില് എത്തിയ യുവതി ഇവിടെ നിന്നും ടാക്സി വിളിച്ച് കൊച്ചിയിലേക്ക് കടക്കാനാണ് ലക്ഷ്യമിട്ടത്. ഇവര്ക്കൊപ്പം ഒരു ആണ്കുട്ടിയും ഉണ്ടായിരുന്നു.
കുഞ്ഞുമായി ഹോട്ടലില് എത്തിയ യുവതി റിസപ്ഷനിലേക്ക് വിളിച്ച് കൊച്ചിയിലെ അമൃത ആശുപത്രിയിലേക്ക് പോകാന് ഒരു ടാക്സി വേണമെന്ന് ആവശ്യപ്പെട്ടു. ഇതേ തുടര്ന്ന് ഹോട്ടല് ജീവനക്കാര് സമീപത്തെ ടാക്സി സ്റ്റാന്ഡില് നിന്നും അലക്സ് എന്നയാളുടെ ടാക്സി വിളിച്ചു വരുത്തി. അമൃതയിലേക്കാണ് യാത്രയെന്നും ഒരുനവജാത ശിശുവിനെ കൊണ്ടു പോകാനാണെന്നും ഹോട്ടല് ജീവനക്കാര് പറഞ്ഞതോടെ കോട്ടയം മെഡിക്കല് കോളേജില് നിന്നും ഒരു നവജാത ശിശുവിനെ കാണാതായിട്ടുണ്ടെന്ന വിവരം അലക്സ് ഇവരെ അറിയിച്ചു.
തുടര്ന്ന് അലക്സ് ഹോട്ടല് മാനേജറേയും മാനേജര് പോലീസിനേയും വിവരം അറിയിക്കുകയായിരുന്നു. വിവരം ലഭിച്ചയുടന് ഹോട്ടലില് എത്തിയ പോലീസ് സംഘം കുഞ്ഞിനെ വീണ്ടെടുക്കുകയും യുവതിയെ കസ്റ്റഡിയിലെടുക്കുകയും ചെയ്തു. തുടര്ന്ന് ഗാന്ധിനഗര് പോലീസ് കുഞ്ഞിനെ ആശുപത്രിയിലെത്തിച്ച് അമ്മയ്ക്ക് കൈമാറി. കളമശ്ശേരി സ്വദേശിനിയായ നീതു (23 വയസ്സ്) ആണ് കസ്റ്റഡിയിലുള്ളത് എന്നാണ് പോലീസ് അറിയിച്ചിട്ടുള്ളത്. ഇവരെ കോട്ടയം എസ്പി ഡി ശില്പയുടെ നേതൃത്വത്തിലുള്ള പോലീസ് സംഘം ചോദ്യം ചെയ്യുകയാണ്.
Discussion about this post