പത്തനംതിട്ട: സമ്മതിദായകര്ക്ക് തങ്ങളുടെ പോളിങ് ബൂത്ത് സ്വയം കണ്ടുപിടിക്കുന്നതിനു മൂന്നു രീതികള് തെരഞ്ഞെടുപ്പ് കമ്മിഷന് ഒരുക്കിയിട്ടുണ്ട്. സ്വന്തം മൊബൈല് ഫോണില്നിന്ന് ECIPS എന്ന ഫോര്മാറ്റില് 1950 എന്ന നമ്പറിലേക്കു മെസേജ് അയച്ചാല് പോളിങ് ബൂത്ത് ഏതാണെന്ന് അറിയാനാകും. ഇതിനു പുറമേ വോട്ടര് ഹെല്പ്പ് ലൈന് ആപ്പ് വഴിയും voterportal.eci.gov.in എന്ന വെബ്സൈറ്റിലൂടെയും പോളിങ് ബൂത്ത് ഏതാണെന്ന് എളുപ്പത്തില് കണ്ടുപിടിക്കാം. തെരഞ്ഞെടുപ്പുമായി ബന്ധപ്പെട്ട എല്ലാ സംശയങ്ങള്ക്കും 1950 എന്ന നമ്പറില് ബന്ധപ്പെടാം.
ഏപ്രില് ആറിനാണ് സംസ്ഥാനത്ത് തെരഞ്ഞെടുപ്പ്. മെയ് രണ്ടിനാണ് വോട്ടെണ്ണല്. ഒറ്റ ഘട്ടമായാണ് കേരളത്തില് തെരഞ്ഞെടുപ്പ്. കേരളത്തില് 40,711 പോളിങ് സ്റ്റേഷനുകളാണ് ഉണ്ടാവുക. കൊവിഡ് മാനദണ്ഡങ്ങള് പാലിച്ചു തെരഞ്ഞെടുപ്പു നടത്താനാണ് പോളിങ് സ്റ്റേഷനുകളുടെ എണ്ണം കൂട്ടിയത്. അതേസമയം പ്രവാസികള്ക്ക് തപാല് വോട്ടിനുള്ള സൗകര്യം ഇത്തവണയില്ല. 80 വയസ്സിന് മുകളിലുള്ളവര്ക്ക് തപാല് വോട്ട് വഴി വോട്ട് രേഖപ്പെടുത്താനുള്ള സൗകര്യം ഒരുക്കും. കൊവിഡ് ബാധിതര്ക്കും വോട്ട് ചെയ്യാന് അവസരമുണ്ട്.
Discussion about this post