കൊല്ലം: നിയമസഭാ തെരഞ്ഞെടുപ്പിന്റെ ചൂടിലേയ്ക്ക് അടുക്കുകയാണ് സംസ്ഥാനം. വിജയസാധ്യതയുള്ള സ്ഥാനാര്ത്ഥികളെ നിര്ത്താനുള്ള ശ്രമത്തിലാണ് മുന്നണികളും. ഇപ്പോള്, മത്സരിക്കാനുള്ള സാധ്യത തള്ളാതെ രംഗത്തെത്തിയിരിക്കുകയാണ് നടന് ജഗദീഷ്. വീണ്ടും മത്സരിക്കുമോ എന്ന ചോദ്യത്തിന് വരും ദിവസങ്ങളില് എല്ലാ കാര്യങ്ങളും അറിയിക്കാമെന്ന് അദ്ദേഹം പ്രതികരിച്ചു.
വൈകാതെ മാധ്യമപ്രവര്ത്തകരെ കാണുമെന്നും കാര്യങ്ങള് അറിയിക്കാമെന്നും ജഗദീഷ് വ്യക്തമാക്കി. ഇന്ത്യന് പ്രധാനമന്ത്രിയാകണമെന്നാണ് തന്റെ ആഗ്രഹമെന്നും അതിന് ഒരു അവസരം ലഭിച്ചാല് ശ്രമിക്കാതിരിക്കില്ലല്ലോയെന്നും അദ്ദേഹം ഉദാഹരണമായി പറഞ്ഞു.
2016 ലെ നിയമസഭ തെരഞ്ഞെടുപ്പില് താരപോരാട്ടം നടന്ന മണ്ഡലമായിരുന്നു പത്തനാപുരം. 2016 ലില് കേരള കോണ്ഗ്രസ് ബി നേതാവ് കെബി ഗണേഷ് കുമാര് 24,562 വോട്ടുകളുടെ ഭൂരിപക്ഷത്തിനാണ് ഹാട്രിക് വിജയം നേടിയത്. യുഡിഎഫിനായി ജഗദീഷ് മത്സരിച്ചപ്പോള് എന്ഡിഎ സ്ഥാനാര്ഥിയായി ഭീമന് രഘുവാണ് ജനവിധി തേടിയത്. 49,867 വോട്ടുകളാണ് ജഗദീഷിന് അന്ന് ലഭിച്ചത്. ഇത്തവണയും പത്തനാപുരം താരസജീവമാകുമോ എന്ന ചോദ്യവും ആകാംക്ഷയുമാണ് ഉയരുന്നത്.
Discussion about this post