ആലപ്പുഴ; അന്ധതയെ തോല്പിച്ച് മിമിക്രിയില് കിടിലന് പെര്ഫോമന്സുമായി എ ഗ്രേഡ് സ്വന്തമാക്കിയിരിക്കുകയാണ് ഷിഫ്ന മറിയം എന്ന കൊച്ചുമിടുക്കി. തിരുവനന്തപുരം-തുണ്ടത്ത് ചെങ്കോട്ടുകോണം എംവിഎച്ച്എസ്എസ്ലെ പ്ലസ്ടു വിദ്യാര്ത്ഥിനിയാണ് ഈ മിടുക്കി.
രണ്ട് കണ്ണുകള്ക്കും കാഴ്ചയില്ല, അത് തന്റെ സ്വപ്നങ്ങള്ക്കുള്ള പരിമിതിയല്ലെന്ന് ഷിഫ്ന ഒരിക്കല് കൂടി തെളിയിച്ചു കഴിഞ്ഞിരിക്കുകയാണ്. അപ്പീലുമായി എത്തി മത്സരിച്ച് എ ഗ്രേഡ് സ്വന്തമാക്കിയാണ് ഈ മിടുക്കി മടങ്ങിയത്.
തുടര്ച്ചയായി അഞ്ചാം വര്ഷവും മിമിക്രിയില് മാറ്റുരച്ച ഈ വിദ്യാര്ത്ഥിനിക്ക് ഇത് സ്കൂള് കലോത്സത്തില് നിന്നുള്ള പടിയിറക്കം കൂടിയാണ്. കഴിഞ്ഞ വര്ഷം തൃശ്ശൂര് കലോത്സത്തില് എ ഗ്രേഡോടെ രണ്ടാം സ്ഥനം നേടിയിരുന്നു. മിമിക്രിക്കൊപ്പം പാട്ടിലും ഷിഫ്ന മിടുക്കിയാണ്.
പഠിച്ച് മാധ്യമ പ്രവര്ത്തകയാകണമെന്നാണ് ഷിഫ്നയുടെ ആഗ്രഹം. എച്ച്എസ്എസ് പെണ്കുട്ടികളുടെ വിഭാഗത്തില് 15 പേര് മത്സരിച്ചതില് ഏഴ് പേരും എ ഗ്രേഡ് കരസ്ഥമാക്കി. മഹാപ്രളയവും ശബരിമല യുവതീ പ്രവേശനവും ആവര്ത്തന വിഷയമായെങ്കിലും അവതരണത്തിലെ വ്യത്യസ്തത അലോസരം സൃഷ്ടിച്ചില്ല.
Discussion about this post