തിരുവനന്തപുരം: സംസ്ഥാനത്ത് ഇന്ന് മൂന്നുപേര്ക്കു കൂടി കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് കൊവിഡ് സ്ഥിരീകരിച്ചവരുടെ എണ്ണം 450 ആയി. കൊവിഡ് അവലോകന യോഗത്തിനു ശേഷം മുഖ്യമന്ത്രി പിണറായി വിജയന് നടത്തിയ വാര്ത്ത സമ്മേളനത്തിലാണ് ഇക്കാര്യം അറിയിച്ചത്.
ഇന്ന് രോഗം സ്ഥിരീകരിച്ച മൂന്നുപേരും കാസര്കോട് ജില്ലക്കാരാണ്. സമ്പര്ക്കം മൂലമാണ് ഇവര്ക്ക് രോഗം ബാധിച്ചത്. അതേസമയം ഇന്ന് 15 പേര് രോഗമുക്തി നേടി. കാസര്കോട് അഞ്ചുപേര്, പത്തനംതിട്ട, മലപ്പുറം, കണ്ണൂര് എന്നിവിടങ്ങളില് മൂന്നുപേര്ക്കു വീതവും കൊല്ലത്ത് ഒരാള്ക്കുമാണ് രോഗം ഭേദമായത്. നിലവില് 116 പേരാണ് ചികിത്സയിലുള്ളത്.
സംസ്ഥാനത്ത് ആകെ 21,725 പേര് നിരീക്ഷണത്തിലുണ്ട്. ഇതില് 21,243 പേര് വീടുകളിലും, 452 പേര് ആശുപത്രിയിലുമാണ്. ഇന്നുമാത്രം 144 പേരെ ആശുപത്രിയില് പ്രവേശിപ്പിച്ചു. ഇതുവരെ 21,941 സാമ്പിളുകള് പരിശോധനയ്ക്ക് അയച്ചു. ഇതില് 20,830 എണ്ണത്തില് രോഗബാധയില്ലെന്ന് ഉറപ്പാക്കിയിട്ടുണ്ട് എന്നും മുഖ്യമന്ത്രി പറഞ്ഞു.
Discussion about this post