ന്യൂഡല്ഹി: ശബരിമല ദര്ശനത്തിന് സുരക്ഷ ഉറപ്പാക്കണമെന്നാവശ്യപ്പെട്ട് ബിന്ദു അമ്മിണിയും രഹ്ന ഫാത്തിമയും സമര്പ്പിച്ച ഹര്ജി സുപ്രീംകോടതി ഇന്ന് പരിഗണിക്കും. യുവതീപ്രവേശന വിധി നടപ്പാക്കാന് സംസ്ഥാന സര്ക്കാരിന് നിര്ദ്ദേശം നല്കണമെന്ന് ആവശ്യപ്പെട്ട് ബിന്ദു അമ്മിണി നല്കിയ ഹര്ജിയും ദര്ശനത്തിന് പോലീസ് സുരക്ഷ ഉറപ്പാക്കാന് സംസ്ഥാന സര്ക്കാരിന് നിര്ദ്ദേശം നല്കണമെന്ന് ആവശ്യപ്പെട്ട് രഹ്ന ഫാത്തിമ നല്കിയ ഹര്ജിയുമാണ് സുപ്രീംകോടതി ഇന്ന് പരിഗണിക്കുക.
യുവതീപ്രവേശന വിധി നടപ്പാക്കാന് സംസ്ഥാന സര്ക്കാരിന് നിര്ദ്ദേശം നല്കണമെന്ന് ആവശ്യപ്പെട്ട് ചീഫ് ജസ്റ്റിസ് അധ്യക്ഷനായ മൂന്നംഗ ബെഞ്ചാണ് കേസ് പരിഗണിക്കുക. ശബരിമല വിഷയം വിപുലമായ ബെഞ്ച് പരിഗണിക്കുന്ന സാഹചര്യത്തില് 2018 ലെ വിധി അവസാനവാക്കല്ല എന്ന് കഴിഞ്ഞ ആഴ്ച ചീഫ് ജസ്റ്റിസ് പരാമര്ശം നടത്തിയിരുന്നു. വിപുലമായ ബെഞ്ചിന്റെ വിധി വരുന്നതിന് മുമ്പ് 2018 ലെ വിധി നടപ്പാക്കേണ്ടതുണ്ടോ എന്നതില് ഇന്ന് സുപ്രീംകോടതി വ്യക്തത വരുത്തിയേക്കുമെന്നും റിപ്പോര്ട്ട് ഉണ്ട്.
Discussion about this post