ബംഗളൂരു: തീയ്യേറ്ററില് നിന്നു ദേശീയ ഗാനത്തിന് എഴുന്നേറ്റ് നില്ക്കാത്തതിന്റെ പേരില് ബംഗളൂരുവില് യുവാവിനെ അറസ്റ്റ് ചെയ്തു. സഞ്ജയ് നഗര് സ്വദേശിയായ ജിതിന് എന്നയാളെയാണ് അറസ്റ്റ് ചെയ്തത്. കൂടാതെ ഇയാള്ക്ക് ആള്ക്കൂട്ടത്തിന്റെ മര്ദ്ദനമേല്ക്കുകയും ചെയ്തു. ദേശീയ ഗാനത്തെ അപമാനിച്ചെന്ന് ആരോപിച്ചാണ് ജിതിനെതിരെ പോലീസ് കേസെടുത്തിരിക്കുന്നത്.
തന്നെ ആക്രമിച്ചവര്ക്കെതിരെ പരാതി കൊടുക്കുന്നതിനായി മൊഴിയെടുക്കണമെന്ന് പറഞ്ഞ പോലീസ് തന്നെ തടഞ്ഞുവെക്കുകയും അറസ്റ്റ് ചെയ്യുകയുമായിരുന്നെന്ന് ജിതിന് പറഞ്ഞു. ദേശീയഗാനം ചൊല്ലുന്നതിനിടെ ജിതിന് പ്രകോപനകരമായി സംസാരിച്ചതാണ് കേസെടുക്കാന് കാരണമെന്നാണ് പോലീസ് അവകാശപ്പെടുന്നത്.
സുപ്രീംകോടതി ഉത്തരവ് പ്രകാരം ദേശീയഗാനത്തിനിടെ എഴുന്നേറ്റ് നില്ക്കണമെന്നില്ല. തിയ്യേറ്ററില് ദേശീയഗാനം നിര്ബന്ധമാക്കിക്കൊണ്ട് 2016ല് സുപ്രീംകോടതി ഉത്തരവിട്ടിരുന്നെങ്കിലും പിന്നീട് അത് നിര്ബന്ധമല്ല എന്ന ഉത്തരവ് വന്നിരുന്നു.
Discussion about this post