ന്യൂഡല്ഹി: ചെങ്കോട്ട സ്ഫോടനത്തില് നടുങ്ങി രാജ്യം. നടന്നത് ചാവേര് ആക്രമണമാണെന്നാണ് നിഗമനം. ഭീകരാക്രമണം തന്നെയാണെന്ന് ഉറപ്പിക്കുകയാണ് അന്വേഷണ സംഘം. സംഭവത്തിൽ ഡല്ഹി പൊലീസ് യുഎപിഎ ചുമത്തി കേസെടുത്തിട്ടുണ്ട്. കാറിലുണ്ടായിരുന്ന മൂന്ന് പേരും ചാവേറുകളാണെന്നാണ് നിഗമനം.
സ്ഫോടനത്തല് ജെയ്ഷെ ഭീകരന് ഉമര് മുഹമ്മദിന്റെ ബന്ധം പരിശോധിക്കുന്നുണ്ട്. ഹരിയാനയില് നിന്ന് ഹ്യുണ്ടായ് ഐ20 കാര് വാങ്ങിയ പുല്വാമ സ്വദേശിയായ താരിഖിനായി തെരച്ചില് നടക്കുകയാണ്. ആഴ്ചകള്ക്ക് മുമ്പാണ് ഇയാള് കാര് വാങ്ങിയത്. കാര് ഡല്ഹിയില് പലയിടങ്ങളിലും ചുറ്റിക്കറങ്ങിയിരുന്നു. സ്ഫോടക വസ്തു നിറച്ച് യാത്ര ചെയ്തെന്നാണ് നിഗമനം. മൂന്ന് മണിക്കൂര് കാര് ചെങ്കോട്ടക്ക് സമീപം പാര്ക്ക് ചെയ്തു. സുനേരി മസ്ജിദ്, ദരിയാഗഞ്ച് എന്നിവിടങ്ങളിലും കാറെത്തി. സിസിടിവി കേന്ദ്രീകരിച്ച് ആന്വേഷണം ഊര്ജിതമാക്കിയിട്ടുണ്ട്.
Discussion about this post