ന്യൂഡല്ഹി: പഹല്ഗാം ഭീകരാക്രമണത്തിന് അതിശക്തമായ തിരിച്ചടി നല്കുകയാണ് രാജ്യം. ‘ഓപ്പറേഷന് സിന്ദൂര്’ എന്ന് പേരിട്ട സൈനിക ആക്രമണത്തിലൂടെ ഒരു രാത്രിയില് ഒമ്പത് ഭീകര കേന്ദ്രങ്ങളാണ് ഇന്ത്യ ലക്ഷ്യം വെച്ചത്. ഈ സൈനിക നീക്കത്തിന് ഓപ്പറേഷന് സിന്ദൂര് എന്ന പേരിട്ടതിന് പിന്നിലും വൈകാരികമായ കാരണമുണ്ട്. പ്രധാനമന്ത്രി നരേന്ദ്രമോദിയാണ് ഈ പേര് തിരഞ്ഞെടുത്തത്. ഭീകരവാദികള് നമ്മുടെ സ്ത്രീകളെ വിധവകളാക്കി. അതിനുള്ള പ്രതികാരമാണിതെന്ന് നിര്ദേശിച്ചുകൊണ്ട് പ്രധാനമന്ത്രി ഈ പേര് മുന്നിലേക്ക് വെച്ചത്.
വിവാഹിതരായ ഹിന്ദു സ്ത്രീകള് നെറ്റിയില് അണിയുന്നതാണ് സിന്ദൂരം. ഏപ്രില് 22-ന് പഹല്ഗാമിലെ ബൈസരന് താഴ്വരയില് വിനോദസഞ്ചാരികളുള്പ്പെടെ 26 നിരപരാധികളെയാണ് തീവ്രവാദികള് വെടിവച്ചുകൊന്നത്. പുരുഷന്മാരെയാണ് ഭീകരര് തിരഞ്ഞുപിടിച്ച് കൊലപ്പെടുത്തിയത്. ഇതിലൂടെ നിരവധി സ്ത്രീകള്ക്കാണ് അവരുടെ ഭര്ത്താക്കന്മാരെ നഷ്ടമായത്. ഇതിനോടെല്ലാമുള്ള പ്രതികാര മറുപടി എന്ന നിലയ്ക്കാണ് ദൗത്യത്തിന് ‘ഓപ്പറേഷന് സിന്ദൂര്’ എന്ന പേരിട്ടിരിക്കുന്നത്.
Discussion about this post