ശ്രീനഗര്: ജമ്മു കശ്മീരില് സാമൂഹികപ്രവര്ത്തകനെ തീവ്രവാദികള് വെടിവെച്ച് കൊലപ്പെടുത്തി. 45-കാരനായ ഗുലാം റസൂല് മഗരെയാണ് കൊല്ലപ്പെട്ടത്. ശനിയാഴ്ച അര്ധരാത്രിയോടെ കുപ്വാര ജില്ലയിലെ കന്ഡി ഖാസിലുള്ള വീട്ടിലേക്ക് അതിക്രമിച്ച് കയറിയ തീവ്രവാദികള് ഗുലാമിനെ വെടിവെച്ചുകൊലപ്പെടുത്തുകയായിരുന്നുവെന്നാണ് വിവരം.
ആക്രമണത്തില് ഗുലാം റസൂലിന്റെ വയറിലും ഇടത് കൈയിലുമാണ് വെടിയേറ്റത്. ഉടന്തന്നെ ഇദ്ദേഹത്തെ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. തീവ്രവാദികള് എന്തുകൊണ്ടാണ് സാമൂഹിക പ്രവര്ത്തകനെ ആക്രമിച്ചത് എന്ന് വ്യക്തമല്ല.
Discussion about this post