ഗാസിയാബാദ്: ഭാര്യയെ കൊലപ്പെടുത്തി മെട്രോ സ്റ്റേഷനില് നിന്നും ചാടി യുവാവ് ആത്മഹത്യ ചെയ്തു. ഉത്തര്പ്രദേശിലെ ഗുരുഗ്രാമില് അപാര്ട്മെന്റില് വാടകയ്ക്ക് താമസിച്ചിരുന്ന ഗൗരവ് ശര്മയാണ് മരിച്ചത്. ഉത്തര്പ്രദേശിലെ ആഗ്ര സ്വദേശിയായ യുവാവ് രാവിലെ 10.30ഓടെയാണ് കൗശാമ്പി മെട്രോ സ്റ്റേഷനില് എത്തിയത്.
ഗുരുഗ്രാമിലെ വീട്ടില് വച്ച് ഭാര്യ ലക്ഷ്മി റാവത്തിനെ കൊലപ്പെടുത്തിയ ശേഷം ഇയാള് ഒളിവിലായിരുന്നു. കൊലപാതക കാരണം വ്യക്തമല്ല. സിസിടിവി ദൃശ്യത്തില് നിന്നാണ് ഇയാള് റെയില്വെ പ്ലാറ്റ്ഫോമില് നിന്ന് താഴേയ്ക്ക് ചാടുന്നത് കണ്ടത്. സംഭവ സ്ഥലത്ത് വച്ചുതന്നെ ഇയാള് മരിച്ചു. ആറുമാസം മുമ്പാണ് ഇരുവരും ഗുരുഗ്രാമിലേക്ക് മാറിയതെന്നാണ് പോലീസ് റിപ്പോര്ട്ട്.
ലക്ഷ്മിയെ വീട്ടില് കൊല്ലപ്പെട്ട നിലയില് കണ്ടെത്തിയപ്പോള് മൃതദേഹത്തിനരികിലിരുന്ന് ഒരു വയസ്സുള്ള കുഞ്ഞ് കരയുന്നുണ്ടായിരുന്നു. തുടര്ന്ന് ഗൗരവിനെ കണ്ടെത്താനായി പോലീസ് അന്വേഷണം ആരംഭിച്ചു. ഇതിനിടെയാണ് ഗുരുഗ്രാമില് നിന്നും 30 കിലോമീറ്റര് അകലെയുള്ള കൗശംഭിയില് മൃതദേഹം കണ്ടെത്തിയത്. മൃതദേഹം പോസ്റ്റ്മോര്ട്ടത്തിന് അയച്ചു.
Wednesday, November 12, 2025
ഭാര്യയെ കൊലപ്പെടുത്തി മെട്രോ സ്റ്റേഷനില് നിന്നും ചാടി യുവാവ് ജീവനൊടുക്കി
Related Posts
പുതുവത്സര ദിനത്തിൽ തുടങ്ങിയ ഭൂകമ്പം നിലച്ചില്ല;ജപ്പാനിൽ തുടർഭൂചലനമുണ്ടായത് 155 തവണ; വലിയ നാശനഷ്ടങ്ങൾ
RECOMMENDED NEWS
Bignewslive.com is a portal dedicated for providing both information and entertainment for people around the globe, especially Malayalees.
Discussion about this post