ചെന്നൈ: തന്റെ പേര് ഉപയോഗിച്ച് പാര്ട്ടി രൂപീകരിക്കുന്നതില് നിന്നും യോഗം ചേരുന്നത് അടക്കമുള്ള കാര്യങ്ങളില്നിന്നും മാതാപിതാക്കള് അടക്കമുള്ളവര്ക്കെതിരെ തടയണമെന്ന് ആവശ്യപ്പെട്ട് കോടതിയെ സമീപിച്ച് നടന് വിജയ്. താരം മദ്രാസ് ഹൈക്കോടതിയെയാണ് സമീപിച്ചത്.
അച്ഛന് എസ്.എ. ചന്ദ്രശേഖര്, അമ്മ ശോഭ ശേഖര്, ആരാധക സംഘടനയില് ഉണ്ടായിരുന്ന എക്സിക്യൂട്ടീവ് മെമ്പര്മാര്, എന്നിവരടക്കം 11 പേര്ക്കെതിരെയാണ് താരത്തിന്റെ പരാതി. കേസ് പരിഗണിക്കുന്നത്, മദ്രാസ് ഹൈക്കോടതി സെപ്റ്റംബര് 27 ലേക്ക് മാറ്റി.
വിജയിയുടെ പേരില് പുതിയ പാര്ട്ടി ആരംഭിക്കുന്നതായി അദ്ദേഹത്തിന്റെ ബന്ധു പത്മനാഭന് പ്രഖ്യാപിച്ചിരുന്നു. ഓള് ഇന്ത്യ ദളപതി വിജയ് മക്കള് മുന്നേറ്റം’ എന്ന പേരിലാണ് പാര്ട്ടി രൂപീകരിക്കുന്നതായി പ്രഖ്യാപിച്ചത്. വിജയുടെ അച്ഛന് എസ്.എ ചന്ദ്രശേഖറും, അമ്മ ശോഭയുമാണ് പാര്ട്ടിയുടെ ട്രഷറര്മാര്. തുടര്ന്നാണ് വിജയ് കോടതിയെ സമീപിച്ചത്. തന്റെ പേരോ ചിത്രമോ ഉപയോഗിച്ച് പാര്ട്ടി രൂപീകരിക്കാന് താന് ആരെയും ചുമതലപ്പെടുത്തിയിട്ടില്ലെന്ന് വിജയ് അറിയിച്ചു.
Discussion about this post