മുംബൈ: മുന് ഇന്ത്യന് ക്രിക്കറ്റ് താരം സുരേഷ് റെയ്ന, നടന് ഹൃത്വിക് റോഷന്റെ മുന്ഭാര്യയും ഇന്റീരിയര് ഡിസൈനറുമായ സുസൈന് ഖാന് എന്നിവര് അറസ്റ്റില്. മുംബൈ പോലീസാണ് ഇവരെ അറസ്റ്റ് ചെയ്തത്. കൊവിഡ് മാനദണ്ഡങ്ങള് ലംഘിച്ചതിനാണ് ഇവരെ അറസ്റ്റ് ചെയ്തത്. പിന്നീട് ജാമ്യത്തില് വിട്ടയച്ചു.
മുംബൈ വിമാനത്താവളത്തിന് സമീപത്തുള്ള മുംബൈ ഡ്രാഗണ് ഫ്ലൈ ക്ലബില് ഇന്നലെ രാത്രി നടന്ന റെയ്ഡിലാണ് അറസ്റ്റ് നടന്നത്. മുംബൈ ക്ലബ്ബിലെ ഏഴ് സ്റ്റാഫുകളും ഉള്പ്പെടെ 34 പേരെയാണ് ഇവിടെ നിന്നും അറസ്റ്റ് ചെയ്തത്. ഗായകന് ഗുരു രണ്ധാവയും അറസ്റ്റിലായിരുന്നു.
കൊവിഡ് മാനദണ്ഡങ്ങള് പാലിക്കാതെ, നിയമാനുസൃതമായതില് കൂടുതല് അതിഥികളെ ക്ലബ്ബില് പ്രവേശിപ്പിച്ചിരുന്നുവെന്നും വന്നവര് ആരും തന്നെ കൊവിഡ് പ്രോട്ടോക്കോള് പാലിച്ചിരുന്നില്ലെന്നും പോലീസ് വ്യക്തമാക്കുന്നു.
ബ്രിട്ടണില് രൂപമാറ്റം വന്ന കൊവിഡ് വൈറസ് കണ്ടെത്തിയതിന് പിന്നാലെ മഹാരാഷ്ട്രയില് കൊവിഡ് നിയന്ത്രണങ്ങള് കടുപ്പിച്ചു. തിങ്കളാഴ്ച്ച മുതല് സംസ്ഥാനത്ത് രാത്രികാല കര്ഫ്യൂ പ്രഖ്യാപിച്ചു.
Party (Nahin) Chalegi Till Six In The Morning!
A raid was conducted at a nightclub in Andheri at around 3 am, for flouting COVID prevention norms
Action has been initiated against 34 people, out of which 19 were from Delhi & Punjab, including some celebrities #NewNormal
— Mumbai Police (@MumbaiPolice) December 22, 2020
Discussion about this post