ന്യൂഡല്ഹി:പ്രധാനമന്ത്രി നരേന്ദ്ര മോഡി നാളെ മുഖ്യമന്ത്രിമാരുമായി വീഡിയോ കോണ്ഫറന്സ് നടത്തും. ലോക്ക്ഡൗണ് സാഹചര്യങ്ങള് വിലയിരുന്നതിനാണ് യോഗം ചേരുന്നത്. അതെസമയം രാജ്യത്തെ കൊവിഡ് രോഗികളുടെ എണ്ണം ആശങ്കയുയര്ത്തുന്ന വിധം കൂടുന്ന സാഹചര്യത്തില് ലോക്ക്ഡൗണ് നീട്ടണമെന്ന ആവശ്യം സംസ്ഥാനങ്ങള് യോഗത്തില് ഉന്നയിക്കും.
ബിഹാറും ഝാര്ഖണ്ടും ഒഡിഷയും തെലങ്കാനയുമാണ് ലോക്ക്ഡൗണ് മെയ് 31 വരെ നീട്ടണമെന്ന് കേന്ദ്രസര്ക്കാരിനോട് ആവശ്യപ്പെട്ടിരിക്കുന്നത്. ഇക്കാര്യത്തില് നാളെ ചര്ച്ച നടന്നേക്കും. മൂന്നാം ലോക്ക്ഡൗണ് വീണ്ടും നീട്ടണോ എന്ന കാര്യത്തില് ഈ നിര്ണായക യോഗത്തിലെ അഭിപ്രായങ്ങള് കൂടി വിലയിരുത്തിയാകും കേന്ദ്രസര്ക്കാര് തീരുമാനമെടുക്കുക.
നാളെ ഉച്ചയ്ക്ക് 3 മണിക്കാകും കൂടിക്കാഴ്ച. ഗുരുതരമായ രീതിയില് കൊവിഡ് ബാധിച്ച സംസ്ഥാനങ്ങളുടെ പ്രശ്നങ്ങളാകും യോഗത്തില് പ്രധാനമായും ചര്ച്ച ചെയ്യുക.
Discussion about this post