വുഹാന്: ചൈനയില് കൊറോണ ബാധിച്ച് മരിക്കുന്നവരുടെ എണ്ണം ഉയരുന്ന സാഹചര്യത്തില് ലോകാരോഗ്യ സംഘടനയുടെ വിദഗ്ധ സംഘം ചൈനയിലേക്ക് തിരിച്ചു.
അതേസമയം, ചൈനയില് കൊറോണ വൈറസ് ബാധിച്ച് ചൈനയില് മരിച്ചവരുടെ എണ്ണം 908 ആയി. ഇന്നലെ ഹുബൈ പ്രവിശ്യയില് മാത്രം 91 പേരാണ് മരിച്ചത്. മേഖലയില് 2618 പേര്ക്ക് പുതിയതായി കൊറോണ സ്ഥിരീകരിച്ചു. ഇതോടെ ലോകത്താകെ കൊറോണ ബാധിച്ചവരുടെ എണ്ണം 40,000 കവിഞ്ഞു.
കൊറോണ വൈറസ് ബാധയെ നേരിടാന് ചൈനയ്ക്ക് ഇന്ത്യ സഹായ വാഗ്ദാനം നല്കി. ചൈനീസ് പ്രസിഡന്റ് ഷീ ജിന്പിങ്ങിന് പ്രധാനമന്ത്രി നരേന്ദ്ര മോഡി കത്തയച്ചു. വെല്ലുവിളി നേരിടാന് ഇന്ത്യയുടെ എല്ലാ സഹായവും വാഗ്ദാനം ചെയ്തിട്ടുണ്ട്. കൂടാതെ, കൊറോണ ബാധിച്ച് ഉണ്ടായ മരണത്തില് പ്രധാനമന്ത്രി അനുശോചനം അറിയിച്ചു.
Discussion about this post