തൃശൂര്: ആരോഗ്യക്ഷമത അനുകൂലമെങ്കില് തൃശ്ശൂര് പൂരത്തിന് തെച്ചിക്കോട്ടുകാവ് രാമചന്ദ്രന് ഉണ്ടാകുമെന്ന് ജില്ലാകളക്ടര്. ആരോഗ്യക്ഷമതയുണ്ടെങ്കില് പൂരവിളംബരത്തിന് ഒരു മണിക്കൂര് എഴുന്നള്ളിക്കാന് അനുമതി നല്കുമെന്ന് ടിവി അനുപമ വിശദമാക്കി.
തെച്ചിക്കോട്ടുകാവ് രാമചന്ദ്രനെ നാളെ വിശദ പരിശോധനയ്ക്ക് വിധേയമാക്കും. ജില്ലാ കലക്ടര് അധ്യക്ഷയായ നാട്ടാന നിരീക്ഷക കമ്മിറ്റി യോഗത്തിന്റേതാണ് തീരുമാനം.
തെച്ചിക്കോട്ട് കാവ് രാമചന്ദ്രനെ ആവശ്യമെങ്കില് പൂര വിളംബരത്തിന് മാത്രം എഴുന്നള്ളിക്കാമെന്ന് അഡ്വക്കേറ്റ് ജനറല് സര്ക്കാരിന് നിയമോപദേശം നല്കിയിരുന്നു. പൊതുതാല്പര്യം പറഞ്ഞ് ഭാവിയില് ഇത് അംഗീകരിക്കരുത് എന്നും വ്യക്തമാക്കിയാണ് നിയമോപദേശം നല്കിയത്. അനുമതി നല്കേണ്ടത് കര്ശന ഉപാധികളോടെയെന്ന് നിയമോപദേശം വിശദമാക്കിയിരുന്നു.
Discussion about this post