പേളി മാണിയും ശ്രീനിഷ് അരവിന്ദും വിവാഹചടങ്ങുകളില് മാത്രമല്ല, തുടര്ന്നും വ്യത്യസ്തത പുലര്ത്തി സോഷ്യല്മീഡിയയുടെ കൈയ്യടി വാങ്ങുകയാണ്. ഇപ്പോള് കുടുംബത്തോടൊപ്പം ഹണിമൂണ് ട്രിപ്പിലാണ് പേളി മാണിയും ശ്രീനിഷ് അരവിന്ദും. വിവാഹപ്പിറ്റേന്ന് നവവധുവായ പേളി വീടിനു സമീപമുള്ള കാടുംപടലവും വെട്ടി സോഷ്യല്മീഡിയയെ ഏറെ ചിരിപ്പിച്ചിരുന്നു. രസകരമായ ഇന്സ്റ്റാഗ്രാം സ്റ്റോറി വിഡിയോകളാക്കി ഭര്ത്താവ് ശ്രീനിഷ് അരവിന്ദാണ് ഇത് പോസ്റ്റ് ചെയ്തത്.ഇതിനു പിന്നാലെയാണ് കുടുംബത്തോടൊപ്പം ഹണിമൂണ് ട്രിപ്പിന് പോയി രസകരമായ വീഡിയോകളും ചിത്രങ്ങളും പങ്കുവെയ്ക്കുന്നത്. നവ ദമ്പതികളുടെ ഹണിമൂണ് ട്രിപ്പില് ശ്രീനിഷിനും പേളിക്കും ഒപ്പം പേളിയുടെ അച്ഛന് മാണിയും അമ്മ മോളിയും ഉണ്ട്.
ഇതിനിടെ ഏറ്റവും രസകരമായ ഒരു ചിത്രവും പുറത്തുവന്നിരിക്കുകയാണ്. അമ്മായിഅമ്മ മോളിയെ ശ്രീനിഷ് അമ്പെയ്ത്ത് പഠിപ്പിക്കുന്ന ചിത്രമാണ് ഇത്. ഏതായാലും സോഷ്യല്മീഡിയ ഈ ചിത്രവും ഏറ്റെടുത്തു കഴിഞ്ഞു. പാലക്കാടന് നാട്ടിന് പുറത്തെ ജീവിതം മതിയാവോളം ആസ്വദിക്കുന്ന പേളിയുടെ വീഡിയോകള് ആസ്വദിച്ചതുപോലെ ഈ ചിത്രങ്ങളും രസകരം തന്നെയാണ്.
നേരത്തെ, മെയ് 5നും 8നും രണ്ടാചാരങ്ങളില് ആയിരുന്നു പേളിഷ് ജോഡിയുടെ വിവാഹം. ക്രിസ്തീയ ആചാര പ്രകാരമുള്ള വിവാഹം മെയ് 5 ന് കൊച്ചി ചൊവ്വര പള്ളിയിലായിരുന്നു. ശേഷം സിയാല് കണ്വെന്ഷന് സെന്ററില് വിവാഹ സല്ക്കാരവും നടന്നു. വിവാഹ സല്ക്കാര ചടങ്ങുകളില് സിനിമാ മേഖലയിലെ പ്രമുഖര് പങ്കെടുത്തിരുന്നു. ശേഷം മെയ് 8ന് ഹൈന്ദവാചാര പ്രകാരമുള്ള വിവാഹ ചടങ്ങുകള് പാലക്കാട് ശ്രീനിഷിന്റെ നാട്ടിലാണ് നടന്നത്.
Discussion about this post