ലോകമെമ്പാടും ആരാധകരാണ് അവഞ്ചേഴ്‌സിന്. രണ്ട് ദിവസം മുന്‍പാണ് ലോകമെമ്പാടുമായി ചിത്രം റിലീസ് ചെയ്തത്. ഇന്ത്യയില്‍ ഇന്നാണ് അവഞ്ചേഴ്‌സ് എന്‍ഡ് ഗെയിം തീയ്യേറ്ററുകളിലെത്തിയത്. ലോകമെമ്പാടുമായി ചിത്രത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. അതോടൊപ്പം തന്നെ ചിത്രം റെക്കോര്‍ഡ് കളക്ഷനുമായി കുതിക്കുകയാണ്.
ആദ്യദിനം ചൈനയില്‍ നിന്ന് മാത്രം 750 കോടി രൂപയാണ് ചിത്രം നേടിയിരിക്കുന്നത്. ചൈനയിലെ ഏറ്റവും വലിയ ആദ്യ ദിന കളക്ഷനാണിത്. 110 മില്യണ്‍ ഡോളര്‍ അഡ്വാന്‍സ് ബുക്കിങ്ങിലൂടെ തന്നെ ചിത്രം ചൈനയില്‍ നേടിയെന്നാണ് വിവരം.
മാര്‍വല്‍ സീരീസിലെ അവഞ്ചേഴ്‌സ് എന്‍ഡ് ഗെയിമിന് ഇന്ത്യയില്‍ മികച്ച വരവേല്‍പ്പാണ് ലഭിച്ചിരിക്കുന്നത്. പുലര്‍ച്ചെ മൂന്ന് മണിയ്ക്കും ആറുമണിയ്ക്കും ഷോകള്‍ നടന്നിരുന്നു. തമിഴ് റോക്കേഴ്‌സ് ചിത്രം കഴിഞ്ഞ ദിവസം ഇന്റര്‍നെറ്റില്‍ എത്തിച്ചെങ്കിലും ചിത്രത്തെ അത് കാര്യമായി ബാധിച്ചിട്ടില്ലെന്നാണ് പ്രേക്ഷകരുടെ പ്രതികരണത്തില്‍ നിന്ന് മനസിലാകുന്നത്. ചിത്രം കണ്ടിറങ്ങിയവര്‍ക്കൊക്കെ അയേണ്‍മാനെയാണ് ഇഷ്ടമായിരിക്കുന്നത്.
Discussion about this post