2018ല് തീയേറ്ററിലെത്തിയ 96 എന്ന ചിത്രത്തിന് വന്സ്വീകാര്യതയാണ് ലഭിച്ചത്. പ്രണയകാലത്തേക്ക് കൂട്ടിക്കൊണ്ടുപോയ ചിത്രം തെലുങ്ക്, കന്നഡ തുടങ്ങി വിവിധ ഭാഷകളില് ഒരുങ്ങുകയാണ്. കന്നഡയില് 99 എന്ന പേരില് ഒരുങ്ങുന്ന ചിത്രത്തില് ഭാവനയും ഗോള്ഡന് സ്റ്റാര് ഗണേഷുമാണ് ജാനുവും റാമുമായെത്തുന്നത്.
ഇപ്പോഴിതാ ചിത്രത്തിന്റെ തെലുങ്ക് പതിപ്പും പ്രഖ്യാപിച്ചു കഴിഞ്ഞു. സി പ്രേംകുമാര് സംവിധാനം ചെയ്യുന്ന ചിത്രത്തില് സാമന്തയും ഷര്വാനന്ദുമാണ് ജാനുവും റാമുമായെത്തുന്നത്. പ്രഖ്യാപനത്തിന് തൊട്ടുപിന്നാലെ ആരാധകര്ക്കിടയില് ചര്ച്ചയാകുന്നത് സമാന്തയുടെ മുമ്പത്തെ പ്രതികരണമാണ്.
96 തമിഴില് വിജയമായതിന് ശേഷം ഇതിന്റെ തെലുങ്ക് പതിപ്പില് നിങ്ങള് അഭിനയിക്കുമോയെന്ന് സമാന്തയോട് ആരാധകര് ചോദിച്ചിരുന്നു. ആ ചിത്രം ഒരിക്കലും റിമേക്ക് ചെയ്യപ്പെടാന് പാടില്ല എന്നായിരുന്നു താരത്തിന്റെ മറുപടി. തെലുങ്ക് റിമേക്കിന്റെ കാര്യം അറിയാതെയാണ് താരം അത്തരത്തില് പ്രതികരിച്ചതെന്നും കാര്യം പറഞ്ഞപ്പോള് സാമന്ത കണ്വിന്സായെന്നും നിര്മ്മാതാവ് പറഞ്ഞു.
Discussion about this post