കേരളത്തെ പ്രളയം തകര്ത്തപ്പോള് രാത്രി പകല് വ്യത്യാസമില്ലാതെ സമൂഹത്തിനിടയിലേക്ക് ഇറങ്ങിയ ആളായിരുന്നു ടൊവീനോ തോമസ്. എന്നാല് അദ്ദേഹത്തിന്റെ ഇടപെടലില് സമ്മിശ്ര പ്രതികരണമായിരുന്നു ഉയര്ന്നത്. പ്രശസ്തിക്കും സിനിമാ പ്രൊമോഷനും വേണ്ടിയായിരുന്നു ഇതെല്ലാമെന്ന് പലരും ആക്ഷേപിച്ചപ്പോള് പലരും ആ നല്ല മനസ്സിന് കൈയടിച്ചു.
ടൊവീനോയുടെ കൈമെയ് മറന്നുള്ള ഇടപെടലിനെ നര്മരസത്തോടെ അവതരിപ്പിച്ചിരിക്കുകയാണ് നടനും സംവിധായകനുമായ രമേഷ് പിഷാരടി. പ്രശസ്തിക്കു വേണ്ടി ടൊവീനോ ആണ് പ്രളയമുണ്ടാക്കിയതെന്നു വരെ ചിലര് പറഞ്ഞേക്കാമെന്ന് പിഷാരടി പറഞ്ഞപ്പോള് ഒപ്പമുണ്ടായിരുന്ന ടൊവീനോയും പൊട്ടിച്ചിരിച്ചു.
നല്ല കാര്യം ചെയ്യുന്നവരെപ്പോലും പുറകോട്ട് വലിക്കുന്നത് ഇത്തരം കമന്റുകളും പ്രവണതകളുമാണെന്നും ഇങ്ങനെയുള്ള വിമര്ശനങ്ങളോട് എങ്ങനെയാണ് പ്രതികരിക്കുന്നതെന്നും പിഷാരടി ടൊവീനോയോട് ചോദിക്കുകയുണ്ടായി. ‘സാമാന്യ ബുദ്ധിയുള്ളവര്ക്ക് അത് മനസ്സിലാകും. മഴ അന്ന് നിര്ത്താതെ പെയ്യുകയാണ്. നോക്കിനില്ക്കുമ്പോളാണ് വെള്ളം ഉയര്ന്നുകൊണ്ടിരുന്നത്. നാളെ കേരളം തന്നെ ഉണ്ടാകുമോ എന്ന ആശങ്കക്കിടയില് എന്തു സിനിമ? എന്തു പ്രൊമോഷന്?’-ടൊവീനോ പറഞ്ഞു.
Discussion about this post