പന്തളം: തന്റെ പുതിയ ചിത്രം ‘മാളികപ്പുറം’ വിജയമാക്കിയ സിനിമാ പ്രേമികള്ക്കും അയ്യപ്പ ഭക്തര്ക്കും നന്ദി പറഞ്ഞ് നടന് ഉണ്ണി മുകുന്ദന്. പന്തളത്ത് എത്തിയപ്പോഴാണ് താരത്തിന്റെ പ്രതികരണം.
ഇന്ത്യയിലെ ഏറ്റവും വലിയ സൂപ്പര് ഹിറോ ആയ അയ്യപ്പന്റെ സിനിമ ജനങ്ങള് ഏറ്റെടുത്തതില് സന്തോഷമുണ്ട്. കേരളത്തിലൊട്ടാകെ 150-ഓളം എക്സ്ട്രോ ഷോകള് കളിക്കുന്നുണ്ടെന്നും ഉണ്ണി മുകുന്ദന് പറഞ്ഞു.
‘മണ്ഡലകാലത്തു തന്നെ സിനിമ തിയറ്ററില് ഇറക്കാന് കഴിഞ്ഞതാണ് ഏറ്റവും വലിയ സന്തോഷം. ഇന്ന് മാത്രം കേരളത്തില് 150-ഓളം എക്സ്ട്രാ ഷോകള് കളിക്കുന്നുണ്ടെന്നാണ് ലഭിക്കുന്ന വിവരം. കേരളത്തിലുടനീളം ഹൗസ്ഫുള് ഷോകളാണ്’.- എന്നും താരം പറഞ്ഞു.
‘സിനിമ വലിയ വിജയമാക്കി മാറ്റിയ സിനിമാ പ്രേമികളോടും അയ്യപ്പ ഭക്തരോടും നന്ദി പറയുകയാണ്. മാളികപ്പുറം എന്ന സിനിമ നിര്മ്മിച്ച ആന്റോ ജോസഫിനോടും വേണു കുന്നിപ്പിള്ളിയോടും നന്ദി ഉണ്ട്.’
മാളികപ്പുറം ഇന്ത്യയിലെ സൂപ്പര് താരത്തിന്റെ ചിത്രമാണ്, അയ്യപ്പന്റെ ചിത്രമാണ്. നല്ല ഒരു ആശയം മുന്നോട്ട് വച്ച ഒരു കൊച്ചു സിനിമയാണിതെന്നും അയ്യപ്പന് വേണ്ടിയുള്ള ഒരു സമര്പ്പണമാണ് മാളികപ്പുറമെന്നും ഉണ്ണിമുകുന്ദന് പറഞ്ഞു.
Discussion about this post