കഴിഞ്ഞ വര്ഷമെത്തിയ ‘വില്ലന്’ ശേഷം മോഹന്ലാലും മഞ്ജു വാര്യരും ഒന്നിച്ചഭിനയിച്ച സിനിമയാണ് ഒടിയന്. ബിഗ് റിലീസായി ഡിസംബര് പതിനാലിന് തിയേറ്ററുകളിലേക്ക് എത്തിയ ഒടിയന് ആദ്യദിനം തന്നെ നെഗറ്റീവ് റിവ്യൂസായിരുന്നു ലഭിച്ചത്. മഞ്ജുവിനെതിരെ നിരവധി ട്രോളുകളും വന്നിരുന്നു.
‘ മാണിക്യാ കുറച്ച് കഞ്ഞിയെടുക്കട്ടേ?’ എന്ന് ഒടിയനില് മോഹന്ലാല് അവതരിപ്പിച്ച കഥാപാത്രത്തോട് (മാണിക്യനോട്) മഞ്ജു വാര്യര് (പ്രഭ) ചോദിക്കുന്ന ഡയലോഗ് സന്ദര്ഭത്തിന് വിപരീതമായ ഡയലോഗ് ആണെന്നും മറ്റും വിമര്ശനങ്ങള് ഉയര്ന്നിരുന്നു. ‘മാണിക്യാ കുറച്ച് കഞ്ഞിയെടുക്കട്ടേ’ എന്ന ഡയലോഗ് വച്ച് സിനിമയ്ക്കെതിരെയും മഞ്ജുവിനെതിരെയും ഒട്ടേറെ ട്രോളുകളും ഉയര്ന്നിരുന്നു. എന്നാല്, ഈ ട്രോളിനെയെല്ലാം ഏറ്റെടുത്തിരിക്കുകയാണ് മഞ്ജു.
ഒരു ചാനലിനു നല്കിയ അഭിമുഖത്തിലാണ് മഞ്ജു ഈ ഡയലോഗിനെ കുറിച്ച് പറയുന്നത്. എനിക്ക് ആറ്റുനോറ്റ് കിട്ടിയ ഒരു തഗ് ലൈഫാണിതെന്നും ഇത് ഞാന് പൊളിക്കുമെന്നുമാണ് ട്രോളുകളെക്കുറിച്ചുള്ള മഞ്ജുവിന്റെ പ്രതികരണം.
Discussion about this post