ഹെലന് എന്ന ചിത്രത്തില് കേന്ദ്രകഥാപാത്രത്തെ അവതരിപ്പിച്ച് പ്രേക്ഷക മനസില് ഇടം ഉറപ്പിച്ച താരമാണ് അന്ന ബെന്. ഹെലന് എന്ന കഥാപാത്രത്തിന് നിരവധി അവാര്ഡുകളും അന്നയെ തേടിയെത്തിയിരുന്നു. ഇപ്പോള് ഹെലന് എന്ന ചിത്രത്തിന്റെ അനുഭവം പങ്കുവെച്ച് രംഗത്തെത്തിയിരിക്കുകയാണ് താരം. അപ്രതീക്ഷിതമായി കോള്ഡ് സ്റ്റോറേജ് റൂമില് അകപ്പെട്ട ഹെലനെ അവതരിപ്പിച്ചപ്പോഴുള്ള അനുഭവമാണ് ബിഹൈന്ഡ് വുഡ്സിന് നല്കിയ അഭിമുഖത്തില് അന്ന ബെന് പങ്കുവെക്കുന്നത്.
അന്ന ബെന്നിന്റെ വാക്കുകള്;
എ.സിപോലും ഇഷ്ടമില്ലാതിരുന്ന എനിക്ക് ഹെലനില് അഭിനയിച്ചതിന് ശേഷം എസിയുള്ളത് അറിയുന്നുപോലുമില്ല. അത്രയും തണുപ്പുള്ള മുറിയില് തന്നെയാണ് യഥാര്ത്ഥത്തില് ഷൂട്ട് ഉണ്ടായത്. സിനിമയുടെ ടീമിലെ കുറേയധികം പേര് മുറിക്കകത്ത് ഉണ്ടായിരുന്നെങ്കിലും തന്നെക്കൂടാതെ ബാക്കിയുള്ളവരെല്ലാം ഗ്ലൗസും സ്വെറ്ററും ധരിച്ചാണ് അകത്തുണ്ടായിരുന്നത്.
‘ഇരുപത് ദിവസത്തോളം ഫ്രീസറിനകത്ത് ഷൂട്ട് ഉണ്ടായിരുന്നു. എന്നാല് ദിവസങ്ങളുടെ എണ്ണം ഡയറക്ടര് എന്നോട് കുറച്ചാണ് പറഞ്ഞിരുന്നത്. രണ്ട് മൂന്ന് ദിവസം വലിയ പ്രശ്നങ്ങള് തോന്നിയിരുന്നു. പിന്നീട് മെല്ലെ ആ റൂമിനോട് പൊരുത്തപ്പെടാന് തുടങ്ങി. നീ ചത്ത് പരുവമായി ഒരു കോലത്തിലാവണമെന്ന് ഡയറക്ടര് തമാശ പോലെ പറയുമായിരുന്നു.
Discussion about this post