വിനയന്റെ സംവിധാനത്തില് 1999ല് പുറത്തിറങ്ങിയ ‘ഇന്ഡിപെന്ഡന്സ്’ എന്ന ചിത്രത്തിലെ ‘നന്ദലാല’ എന്ന ചിത്രത്തിന് ഇന്നും ആവേശം കുറച്ചൊന്നുമല്ല. അക്കാലത്ത് നിന്നിരുന്ന ആവേശം തന്നെയാണ് വര്ഷങ്ങള്ക്ക് ശേഷം നിലനില്ക്കുന്നത്. ഇപ്പോള് ഗാനത്തിന് ചുവടുവെച്ച് രംഗത്തെത്തിയിരിക്കുകയാണ് നടി ഇന്ദ്രജ.
22 വര്ഷങ്ങള്ക്ക് ശേഷമാണ് താരം ആ ഗാനത്തിന് ചുവടുവെയ്ക്കുന്നത്. തെല്ലും ആവേശം ചോരാതെയാണ് നൃത്തചുവടുകള്. ഇന്ദ്രജയ്ക്ക് പുറമേ വാണി വിശ്വനാഥ്, കലാഭവന് മണി സുകുമാരി എന്നിവര് തകര്ത്താടിയ ഗാനരംഗമാണിത്. നൃത്തസംവിധായിക സജ്ന നജാമാണ് വീഡിയോ പങ്കുവച്ചിരിക്കുന്നത്. സജ്നയും ഇന്ദ്രജയ്ക്കൊപ്പം ചുവടുകള് വയ്ക്കുന്നുണ്ട്. വീഡിയോ ഇതിനോടകം സോഷ്യല്മീഡിയയില് നിറഞ്ഞു കഴിഞ്ഞു.
തമിഴ് സിനിമയിലൂടെ അഭിനയരംഗത്തെതത്തിയ ഇന്ദ്രജ ‘ദ ഗോഡ് മാന്’ എന്ന ചിത്രത്തിലൂടെയാണ് മലയാളത്തിലെത്തുന്നത്. ഇന്ഡിപെന്ഡന്സ്, എഫ്.ഐ.ആര്, ഉസ്താദ്, ശ്രദ്ധ, വാര് ആന്റ് ലൗ, ക്രോണിക് ബാച്ച്ലര്, മയിലാട്ടം, തുടങ്ങി നിരവധി മലയാള ചിത്രങ്ങളില് ശ്രദ്ധേയമായ വേഷം ചെയ്തിട്ടുണ്ട്. 12 സി എന്ന ചിത്രത്തിലൂടെ വീണ്ടും മലയാളത്തില് തിരിച്ചുവരവിന് ഒരുങ്ങുകയാണ് താരം.
Discussion about this post