ബാലേട്ടന്, മയിലാട്ടം തുടങ്ങിയ സിനിമകളിലൂടെ ബാലതാരമായി എത്തി ഇന്ന് മലയാളികളുടെ ഇടംനെഞ്ചില് കയറി കൂടിയിരിക്കുകയാണ് നടി ഡോ. ഗോപിക അനില്. ഇപ്പോള് സീരിയലില് തിളങ്ങുകയാണ് ഗോപിക. കബനിയെന്ന് പരമ്പരയിലൂടെയാണ് ഗോപിക സീരിയല് ജീവിതം ആരംഭിച്ചത്. ഇപ്പോള്, ഏഷ്യാനെറ്റ് പരമ്പര സാന്ത്വനത്തിലൂടെ അഞ്ജലിയായി മലയാളികളുടെ മനം കവരുകയാണ് താരം.
നടന് സജിനും ഗോപികയും ചേര്ന്ന് അവതരിപ്പിക്കുന്ന ശിവന്, അഞ്ജലി കഥാപാത്രങ്ങള്ക്ക് വന് സ്വീകാര്യതയാണ് ലഭിക്കുന്നത്. കലിപ്പനും കാന്താരിയും എന്നറിയപ്പെടുന്ന ഇരുവര്ക്കും നിരവധി ഫാന് പേജുകളുമുണ്ട്. ഇപ്പോള് പ്രമുഖ മാധ്യമത്തോട് മനസ് തുറക്കുകയാണ് താരം. തനിക്ക് ഇത്രയും അംഗീകാരം ലഭിക്കുമെന്ന് സ്വപ്നത്തില് പോലും കരുതിയിരുന്നില്ലെന്ന് താരം പറയുന്നു.
ഗോപികയുടെ വാക്കുകള് ഇങ്ങനെ;
ഞാന് അമ്പരന്നിരിക്കുകയാണ്. എനിക്ക് ഇത്രയും അംഗീകാരം ലഭിക്കുമെന്ന് സ്വപ്നത്തില് പോലും കരുതിയില്ല. ഏറ്റവും വലിയ ആശ്ചര്യം പുരുഷന്മാരും പരമ്പര കൂടുതല് കാണുന്നു എന്നതാണ്. പുരുഷന്മാര് ഒരിക്കലും സീരിയലുകള് കാണില്ലെന്നും അവര് അത് വെറുക്കുന്നു എന്നുമാണ് ഞാന് കരുതിയത്.
പക്ഷേ, സന്ത്വാനത്തിന് കഥ വ്യത്യസ്തമാണ്. ഞാന് പുറത്തു പോകുമ്പോഴെല്ലാം ‘ഇതാ അഞ്ജലി’ എന്ന് പറഞ്ഞാണ് എന്നെ തിരിച്ചറിയുന്നത്. ഞങ്ങളുടെ സീനുകളുടെ ചെറിയ വീഡിയോകള് അവര് എനിക്ക് അയയ്ക്കുന്നു. കൂടുതല് പുരുഷന്മാര് ഇപ്പോള് സീരിയലുകള് കാണാന് തുടങ്ങി എന്നത് ആവേശം നല്കുന്നതാണ്.
ഇത് സ്വീകരിക്കപ്പെടുമോ എന്ന ആകാംക്ഷയിലായിരുന്നു ഞാന്. കാരണം ഈ ജോഡിക്ക് പ്രതീക്ഷ വളരെ കൂടുതലായിരുന്നു. കല്യാണത്തിനുമുമ്പ്, ശിവനും അഞ്ജലിയും ഒരുമിച്ച് അഞ്ച് രംഗങ്ങള് മാത്രമേ ഉണ്ടായിരുന്നുള്ളൂ, അവയെല്ലാം വഴക്കായിരുന്നു. ഇപ്പോള്, ഞങ്ങളുടെ ജോഡിക്ക് നല്ല പ്രതികരണങ്ങള് ലഭിക്കുന്നത് വളരെ സന്തോഷം നല്കുന്നതാണ്.
ഷോയില് നിങ്ങള് കാണുന്നതുപോലെ തന്നെയാണ് ഷൂട്ടിങ് സെറ്റും. ഇവിടം ഇപ്പോള് എല്ലാവര്ക്കും ഒരു കുടുംബത്തേക്കാള് വലുതാണ്. ചിപ്പി ചേച്ചിയെ കണ്ടുമുട്ടുന്നതിനുമുമ്പ് എനിക്ക് ഒരു ഭയം ഉണ്ടായിരുന്നു, പക്ഷേ ആ വിടവ് ഇല്ലാതാക്കാന് അവര് തന്നെ മുന്കൈയെടുത്തു. ഇവിടത്തെ നിരവധി സഹോദരങ്ങളുടെ ചെറിയ സഹോദരിയായി ഞാന് ആസ്വദിക്കുകയാണ്. ഓണ്-സ്ക്രീന് അച്ഛനും അമ്മയും എന്റെ സ്വന്തം മാതാപിതാക്കളെപ്പോലെ തന്നെയാണ്.
Discussion about this post