എക്കാലത്തും മലയാളികളുടെ പ്രിയതാരമാണ് കുഞ്ചാക്കോ ബോബൻ. ചോക്ലേറ്റ് നായകനായി എത്തി മികച്ച വേഷങ്ങളിലൂടെ ആരാധകർക്കിടയിൽ ഇപ്പോഴും കുഞ്ചാക്കോയുണ്ട്. അനിയത്തിപ്രാവ് എന്ന ചിത്രത്തിലൂടെ എത്തിയതാരം ദശാബ്ദങ്ങൾ പിന്നിട്ട് ഇന്നും സിനിമയിൽ നിറസാന്നിധ്യമാണ്.
തന്റെ സ്വകാര്യ സന്തോഷങ്ങളും വ്യക്തിപരമായ വിശേഷങ്ങളും താരം സോഷ്യൽമീഡിയയിലൂടെ പങ്കുവെയ്ക്കാറുണ്ട്. രസകരമായ വീഡിയോകളും കുറിപ്പുകളുമൊക്കെ ചാക്കോച്ചൻ പോസ്റ്റ് ചെയ്യുന്നത് ആരാധകർ ഏറ്റെടുക്കാറാണ് പതിവ്.
ഇപ്പോഴിതാ ചാക്കോച്ചൻ പങ്കുവച്ച മകൻ ഇസഹാഖിന്റെ ചിത്രം സോഷ്യൽമീഡിയയുടെ മനംകവരുകയാണ്. ഇസുവിന്റെ കുഞ്ഞിക്കാലുകളുടെ ചിത്രമാണ് ചാക്കോച്ചൻ ഇക്കുറി പങ്കുവച്ചിരിക്കുന്നത്. കാലിനടിയിൽ നിറയെ മണ്ണാണ്. മകൻ മണ്ണിൽ ചവിട്ടി വളരട്ടെ എന്നാണ് ചാക്കോച്ചൻ പറയുന്നത്. മകൻ മണ്ണിൽ ചവിട്ടി നടക്കട്ടെയെന്നും എപ്പോഴും എളിമയോടെ ഇരിക്കട്ടെയെന്നും താരം കുറിക്കുന്നു.
ലോക്ക്ഡൗൺ കാലത്ത് മകനൊപ്പം കൂടുതൽ സമയം ചെലവഴിക്കാൻ ആയതിന്റെ സന്തോഷം മുമ്പ് താരം ആരാധകരുമായി പങ്കുവച്ചിരുന്നു. ഏറെനാളത്തെ കാത്തിരിപ്പിന് ഒടുവിൽ പിറന്ന കുഞ്ചാക്കോ ബോബൻ- പ്രിയ ദമ്പതികളുടെ മകൻ ഇസഹാഖിന്റെ ഒന്നാം പിറന്നാൾ 2019 ഏപ്രിലിൽ ആയിരുന്നു.
