പ്രേക്ഷക പ്രിയങ്കരി നടി റോഷ്ന ആന് റോയിയും നടനും തിരക്കഥാകൃത്തുമായ കിച്ചു ടെല്ലസും വിവാഹിതരാകുന്നു. വിവാഹ നിശ്ചയ ചിത്രം സമൂഹമാധ്യമങ്ങളിലൂടെ പങ്കുവെച്ചാണ് വിവാഹിതരാകുന്നുവെന്ന വാര്ത്ത പുറത്തുവിട്ടത്.
ഇരുവരും അടുത്ത സുഹൃത്തുക്കളാണ്. നീണ്ടുനിന്ന സൗഹൃദത്തിനും പ്രണയത്തിനും ശേഷമാണ് വിവാഹിതരാകുന്നതെന്ന് റോഷ്ന കുറിച്ചു. ഒമര് ലുലു സംവിധാനം ചെയ്ത അഡാര് ലൗവില് അധ്യാപികയുടെ വേഷത്തിലെത്തിയ നടിയാണ് റോഷ്ന. പാപം ചെയ്യാത്തവര് കല്ലെറിയട്ടെ, സുല്, ധമാക്ക എന്നിവയാണ് റോഷ്നയുടെ മറ്റ് സിനിമകള്.
അങ്കമാലി ഡയറീസ്, തണ്ണീര് മത്തന് ദിനങ്ങള് എന്നീ ചിത്രങ്ങളിലൂടെ പ്രേക്ഷകര്ക്ക് സുപരിചിതനായ നടനാണ് കിച്ചു. പോത്ത് വര്ക്കി എന്ന കഥാപാത്രത്തെയാണ് കിച്ചു അങ്കമാലി ഡയറീസില് അവതരിപ്പിച്ചത്. ടിനു പാപ്പച്ചന് സംവിധാനം ചെയ്യുന്ന അജഗജാന്തരം സിനിമയുടെ തിരക്കഥാകൃത്ത് കൂടിയാണ് കിച്ചു. ഇരുവര്ക്കും ആരാധകര് ആശംസകള് നേര്ന്നു.
Discussion about this post