കൊവിഡ് ഭേദമായി ആശുപത്രി വിട്ട് നടി ഷ്രീനു പരീഖ്. താരം തന്നെയാണ് ഇന്സ്റ്റഗ്രാമിലൂടെ ഈ വിവരം ആരാധകരുമായി പങ്കുവെച്ചത്. എല്ലാവരുടെയും കരുതലിനും പ്രാര്ത്ഥനകള്ക്കും താരം നന്ദി പറയുകയും ചെയ്തിട്ടുണ്ട്.
‘എന്റെ പ്രിയപ്പെട്ട കുടുംബം, സുഹൃത്തുക്കളും അഭ്യുദയകാംക്ഷികളും, എനിക്ക് മേല് ഉണ്ടായ സ്നേഹത്തിനും അനുഗ്രഹത്തിനും ഒക്കെ എങ്ങനെ നന്ദി പറയണമെന്ന് അറിയില്ല. ദൈവത്തിന്റെ അനുഗ്രഹത്താലും നിങ്ങളുടെ പ്രാര്ത്ഥനയാലും എന്റെ അസുഖം ഭേദമായി ആശുപത്രിയില് നിന്ന് ഡിസ്ചാര്ജ് ചെയ്തു. ഇപ്പോള് വീട്ടില് ഐസലൊഷനിലാണ്. നിങ്ങള് ഓരോരുത്തരോടും വ്യക്തിപരമായി മറുപടി പറയാന് സാധിച്ചിരുന്നെങ്കില് എന്ന് ഞാന് ഇപ്പോള് ആഗ്രഹിക്കുകയാണ്. ഒരുപാട് പറയാനുണ്ട്. എല്ലാവരോടും വളരെ സ്നേഹം. നിങ്ങളെ എല്ലാവും സുരക്ഷിതരായി ഇരിക്കാന് ദൈവം അനുഗ്രഹിക്കട്ടെ’ എന്നാണ് താരം സോഷ്യല് മീഡിയയില് കുറിച്ചത്. ഇസ് പ്യാര് കോ ക്യാ നാം ദൂം, ഇഷ്ബാസ് എന്നീ സീരിയലുകളിലൂടെ ശ്രദ്ധേയായ താരമാണ് ഷ്രീനു പരീഖ്.
Discussion about this post