ബോളിവുഡ് നടന് സുശാന്ത് സിംഗ് രജ്പുതിന്റെ മുന് മാനേജര് ദിഷ സാലിയന് ആത്മഹത്യ ചെയ്തു. കെട്ടിടത്തിന്റെ മുകളില് നിന്ന് ചാടിയാണ് ദിഷ ആത്മഹത്യ ചെയ്തത്. ദിഷയുടെ മരണകാരണം വ്യക്തമല്ല. എന്നാല് ദിഷയ്ക്ക് കഴിഞ്ഞ കുറേ വര്ഷങ്ങളായി വിഷാദ രോഗം ഉണ്ടായിരുന്നുവെന്നാണ് ദിഷയുടെ അടുത്ത സുഹൃത്തുക്കള് മുംബൈ പോലീസിനോട് പറഞ്ഞത്.
നടന് വരുണ് ശര്മ്മയുടെയും മുന് മാനേജരായിരുന്നു ദിഷ. ‘എനിക്ക് വാക്കുകള് നഷ്ടപ്പെടുന്നു. സംസാരിക്കാന് കഴിയുന്നില്ല. ഞാന് ആകെ മരവിച്ചിരിക്കുകയാണ്. ഇതൊന്നും യാഥാര്ത്ഥ്യമാണെന്ന് വിശ്വസിക്കാന് സാധിക്കുന്നില്ല. ഒരുപാട് ഓര്മ്മകള്. വളരെ സ്നേഹമുള്ള ഒരു വ്യക്തിയും അടുത്ത സുഹൃത്തും. എപ്പോഴും മുഖത്ത് ഒരു പുഞ്ചിരി ഉണ്ടായിരുന്നു.
ഏറെ ഭംഗിയോടെയാണ് ഓരോ കാര്യങ്ങളും ചെയ്തിരുന്നത്. നിന്നെ വല്ലാതെ മിസ് ചെയ്യും. ഈ ദുഃഖം താങ്ങാനുള്ള കരുത്ത് കുടുംബത്തിനുണ്ടാകട്ടെ എന്ന് പ്രാര്ഥിക്കുന്നു. നീ പോയി എന്ന് എനിക്ക് ഇപ്പോഴും വിശ്വസിക്കാന് കഴിയില്ല. ഇത് വളരെ നേരത്തെ ആയിപ്പോയി’ എന്നാണ് ദിഷയ്ക്കൊപ്പമുള്ള ചിത്രം പങ്കുവച്ച് വരുണ് ശര്മ കുറിച്ചത്.
Discussion about this post