കൊച്ചി:റെക്കോര്ഡുകള് ഭേദിച്ച് സംസ്ഥാനത്ത് സ്വര്ണവില കുത്തനെ മുകളിലേക്ക്. സ്വർണവില ആദ്യമായി 80,000 കടന്നിരിക്കുകയാണ്. ഇന്ന് പവന് ആയിരം രൂപ വർധിച്ചു.
ഇതോടെ 80,880 രൂപയായി ഒരു പവന് സ്വര്ണത്തിന്റെ വില ഉയർന്നു. ഗ്രാമിന്റെ വില ആദ്യമായി 10000 കടന്നു. ഗ്രാമിന് ആനുപാതികമായി 125 രൂപ വർധിച്ചു.
10,110 രൂപയാണ് ഒരു ഗ്രാം സ്വര്ണത്തിന്റെ വില. ഇന്നലെ രാവിലെ പവന് 80 രൂപ കുറഞ്ഞ സ്വര്ണവില ഉച്ചയോടെ വീണ്ടും തിരിച്ചുകയറി. 400 രൂപ വര്ധിച്ച് 79,880 രൂപയായാണ് ഉയര്ന്നത്.
കഴിഞ്ഞ മാസം എട്ടിന് 75,760 രൂപയായിരുന്നു സ്വര്ണവില. പിന്നീട് 20-ാം തീയതി വരെയുള്ള കാലയളവില് 2300 രൂപ താഴ്ന്ന ശേഷം തുടര്ന്നുള്ള ദിവസങ്ങളില് സ്വര്ണവില തിരിച്ചുകയറുന്നതാണ് ദൃശ്യമായത്.
Discussion about this post