ന്യൂഡല്ഹി: അഹമ്മദാബാദ് വിമാന ദുരന്തവുമായി ബന്ധപ്പെട്ട് എയര്ക്രാഫ്റ്റ് ആക്സിഡന്റ് ഇന്വെസ്റ്റിഗേഷന് ബ്യൂറോയുടെ (അഅകആ) പ്രഥമിക റിപ്പോര്ട്ട് പുറത്ത്. ഇന്ധന നിയന്ത്രണ സ്വിച്ചുകള് ഓഫ് ചെയ്ത നിലയിലായിരുന്നു. ഇതാണ് അപകട കാരണം എന്നാണ് റിപ്പോര്ട്ട് വ്യക്തമാക്കുന്നത്. വിമാനം പറന്നുയര്ന്ന ഉടനെ ഇന്ധന നിയന്ത്രണ സ്വിച്ച് ഓഫാവുകയായിരുന്നു. സ്വിച്ച് എന്തിനാണ് ഓഫ് ചെയ്തതെന്ന് പൈലറ്റ് ചോദിക്കുന്നതും ഓഫ് ചെയ്തിട്ടില്ല എന്ന് സഹപൈലറ്റ് പറയുന്നതും കോക്പിറ്റ് ഓഡിയോയില് ഉണ്ടെന്നാണ് റിപ്പോര്ട്ട്.
വിമാനത്തിന്റെ എഞ്ചിനുകള് പ്രവര്ത്തിച്ചത് സെക്കന്ഡുകള് മാത്രമാണെന്നും 32 സെക്കന്റ് കൊണ്ട് അപകടം സംഭവിച്ചുവെന്നുമാണ് റിപ്പോര്ട്ട് വ്യക്തമാക്കുന്നത്. പക്ഷികള് ഇടിക്കുകയോ പ്രതികൂല കാലാവസ്ഥയോ ആയിരുന്നില്ല അപകടകാരണമെന്നും റിപ്പോര്ട്ട് വ്യക്തമാക്കുന്നു. 15 പേജുള്ള പ്രാഥമിക അന്വേഷണ റിപ്പോര്ട്ടാണ് സമര്പ്പിച്ചിരിക്കുന്നത്. വിശദമായ അന്വേഷണം റിപ്പോര്ട്ട് ശുപാര്ശ ചെയ്യുന്നുണ്ട്.
Discussion about this post